नागलगाव ग्रामस्थ आयोजित दिवाळी निमित्त रक्तदान शिबिर संपन्न

उदगीर (एल.पी.उगीले) : नागलगाव ग्रामस्थ यांच्या पुढाकाराने दिवाळी उत्सवा निमित्त रक्तदान शिबिर आयोजित करण्यात आले होते.

आपल्या परिसरातील विविध रुग्णांना आलेल्या अडचणीच्या काळात मदतीचा हात देता यावा म्हणून हे रक्तदान शिबिर गेल्या वर्षी पासून आयोजित करण्यात येत आहे.

संपूर्ण गावातील सर्व जाती धर्मातील,विविध वयोगटातील तरुण एकत्र येत हे शिबिर आयोजित करण्यात आले. आणि या शिबिरात शिवशंकर गुडसुरे,नंदकिशोर कांबळे,दयानंद कळसाईत,बसवराज तोंडारे,लक्ष्मण कांबळे,राम पाटील,परमेश्वर तोंडारे,ज्ञानेश्वर गुरमे,किशोर नागापल्ले, विजय नागापल्ले,गणेश बिरादार,शिवप्रसाद कनकट्टे,प्रशांत बिरादार,स्वप्निल उकिरडे, शिवहार तोंडारे,विश्वनाथ मोरखंडे,कपिल शेटकार,अनिल गुरमे,सुनील गुंडरे,प्रशांत कनकट्टे,बसवराज शेरे,राजकुमार बिरादार,एकनाथ धोंगडे,वीरभद्र ब्याळे,राम कनकट्टे,केदार पाटील,गजानन जवळगे यांनी रक्तदान करत ही दिवाळी अनोख्या पद्धतीने साजरी केली.

सदरील कार्यक्रमाचे आयोजक व प्रमुख पाहुणे हा मान सर्व तरुणांनी नागलगाव ग्रामस्थांना देऊन एक वेगळा आदर्श निर्माण केला.

या आदर्श शिबिराचे आयोजन केल्याबद्दल नागप्‍पा अंबरखाने ब्लड सेंटर उदगीर च्या वतीने बी टी ओ डॉ. शेटकार यांनी सर्व रक्तदात्यांचे कौतुक केले. या शिबिरासाठी ब्लड सेंटर च्या वतीने पी आर ओ ओमकार गांजुरे,सचिन कोनाळे,अविनाश बिरादार,योगेश गोदाजी,विनायक टकटवळे,अविनाश जयकर यांनी काम पाहिले.