नागलगाव येथे अज्ञाताने शेतकऱ्यांची सोयाबीनची बानीम पेटवली दोन ते तीन लाखांचे नुकसान

उदगीर (एल.पी.उगीले) : उदगीर तालुक्यातील नागलगाव येथे अज्ञात व्यक्तीने शेतकऱ्यांची सोयाबीनची बनिम पेटवून दिल्याची घटना 1 नोव्हेंबर रोजी मंगळवारी रात्री घडली आहे. सूत्रांकडून मिळालेली माहिती अशी की, वीरभद्र गंगाधर शेरे,यांनी त्यांच्या शेतातील 6 बॅग पेरणी केलेली सोयाबीन काढून शेतातच सोयाबीनची बनिम लावून ठेवली होती. 1 नोव्हेंबर च्या रात्रौ कोणीतरी अज्ञाताने बनिम पेटवून दिली, यात शेतकऱ्यांचे दोन ते तीन लाखाचे सोयाबीन जळून खाक झाली आहे. विरभद्र गंगाधर शेरे या शेतकऱ्यांना सोयाबीनची बनिम जळाली असल्याचे 2 नोव्हेंबर रोज बुधवारी सकाळी निदर्शनास आले.
शासन शेतकऱ्यास आर्थिक मदत करावी,तसेच बाजार समितीच्या संचालक मंडळाने घेतलेल्या लोक कल्याणकारी योजना आंतर्गत शेतकऱ्याला दिली जाणारी मदत प्रशासक करतील का ?असाही प्रश्न शेतकऱ्यांना पडला आहे.