माजी आ. शिवशरणप्पा बिराजदार सोलापूरकर यांची श्रीकांत पाटील यांच्या निवासस्थानी सदिच्छा भेट

उदगीर (एल.पी.उगीले) : माजी आमदार शिवशरणआप्पा बिराजदार सोलापूरकर हे उदगीर येथे आले असता, उदगीरचे तरुण नेते सहकार महर्षी चंदर अण्णा वैजापूरे प्रतिष्ठानचे अध्यक्ष श्रीकांत पाटील यांच्या निवासस्थानी सदिच्छा भेट देऊन कार्यकर्त्यांना मार्गदर्शन केले. सामाजिक जाण असलेल्या आणि आपण समाजाचे काही देणे लागतो. अशी भावना ठेवून कार्य करणाऱ्या युवकांनी राजकारणामध्ये सक्रिय होणे गरजेचे असल्याचे त्यांनी याप्रसंगी सांगितले. ते उदगीर येथील सुभाषअण्णा नागठाणे यांचे व्याही आहेत.

याप्रसंगी माजी आमदार शिवशरणप्पा बिराजदार यांचा चंदरअण्णा प्रतिष्ठानच्या वतीने सत्कार करण्यात आला. यावेळी माजी आ. गोविंदराव केंद्रे, सहकार महर्षी चंद्रकांत अण्णा वैजापूरे,जि.प.सदस्य बस्वराज पाटील, उद्योजक शिवकुमार गुळंगे, संजय पाटील तोगरीकर, शिवानंद साहेब , विश्वनाथ बिरादार कौळखेडकर, चंदरअण्णा प्रतिष्ठानचे संस्थापक अध्यक्ष श्रीकांत पाटील, रमेश खंडोमलके आदी मान्यवर उपस्थित होते.

याप्रसंगी सामाजिक जाणीव प्रगल्भ होण्याच्या दृष्टीने युवा पिढीने कशा पद्धतीने कार्य करावे या अनुषंगाने ही माजी आमदार शिवशरणअप्पा बिराजदार यांनी सविस्तर मार्गदर्शन केले कार्यक्रमाचे सूत्रसंचालन आणि आभार प्रदर्शन संयोजक या नात्याने श्रीकांत पाटील यांनी केले.