मोघा येथे ग्राम अभियान व आरती कार्यक्रमास भाविक भक्तांचा जनसागर

उदगीर (एल.पी.उगीले) : श्री स्वामी समर्थ आध्यात्मिक सेवा व बालसंस्कार मुख्य दरबार एम.आय.डी.सी लोणी तालुका उदगीर जिल्हा लातूर आयोजित दिंडोरी प्रणित श्री स्वामी समर्थ महाराजांच्या ग्राम अभियान व आरती कार्यक्रमास उदगीर तालुक्यातील मोघा येथील श्री मारोती मंदिरात भाविक भक्तांचा जनसागर उसळुन आल्याचे चित्र दिसून आले.

या कार्यक्रमात प्रश्न उत्तर ,जनकल्याण योजना, विवाह संस्कार, मराठी अस्मिता या प्रकारचे अनेक स्टॉल लावण्यात आले होते . उदगीर येथील कार्यरतसेवेकरी दीपक काकडे यांनी उपस्थित भाविक भक्तांना अनमोल अशी मार्गदर्शन केले. कार्यक्रमासाठी मोघा गावातील प्रतिष्ठित नागरिक सुहास बिरादार, संगमेश्वर वीरकपाळे, उमाकांत वीरकपाळे, आनंद कुंभार, पुंडलिक बिरादार, व्यंकट अतनुरे ,बाबू लोहार, शंकर सुतार, गोपीनाथ जमादार, भास्कर बिरादार, भाऊसाहेब पाटील यांची उपस्थिती होती. हा कार्यक्रम यशस्वी करण्यासाठी रेखा जाधव,मीना तेलंग,निवृत्ती जवळे, पार्थ करेप्पा, संध्या पाटील,साक्षी पाटील, भाग्यश्री बिरादार,अर्चना नराचे, करुणा वीरकपाळे,शैला बिरादार ,संगीता पाटील यांनी परिश्रम घेतले.