महात्मा फुले महाविद्यालयात यशवंतराव चव्हाण यांना अभिवादन

अहमदपूर (गोविंद काळे) : भारताचे माजी उपपंतप्रधान व संयुक्त महाराष्ट्राचे पहिले मुख्यमंत्री कै. यशवंतराव चव्हाण यांना स्मृतिदिनानिमित्त येथील महात्मा फुले महाविद्यालयात अभिवादन करण्यात आले. महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली झालेल्या या कार्यक्रमाच्या अध्यक्षस्थानी उपप्राचार्य डॉ. डी. डी. चौधरी हे होते तर यावेळी प्रमुख पाहुणे म्हणून दयानंद महाविद्यालय लातूर येथील डॉ. बी.टी. गुट्टे, सरस्वती संगीत कला महाविद्यालय लातूर येथील डॉ. एस. व्ही. पवार, जयक्रांती महाविद्यालय लातूर येथील डॉ. अविनाश पवार असेच शिवजागृती महाविद्यालय नळेगाव येथील प्रा. अमोल पगार हे उपस्थित होते. राष्ट्रीय सेवा योजना व यशवंतराव चव्हाण महाराष्ट्र मुक्त विद्यापीठ अभ्यास केंद्राच्या वतीने झालेल्या या कार्यक्रमाचे प्रास्ताविक केंद्र संयोजक डॉ. अनिल मुंढे यांनी केले. सूत्रसंचालन सांस्कृतिक विभाग प्रमुख डॉ. बब्रुवान मोरे यांनी केले. तर आभार प्रदर्शन केंद्र सहाय्यक डॉ. संतोष पाटील यांनी केले. यावेळी महाविद्यालयातील सर्व प्राध्यापक व कार्यालयीन कर्मचारी उपस्थित होते.