महात्मा फुले महाविद्यालयात विधीज्ज्ञ बळवंतराव पाटील खानापूरकर यांना आदरांजली

अहमदपूर (गोविंद काळे) : उदगीर येथील किसान शिक्षण प्रसारक मंडळाचे माजी अध्यक्ष व बिदर येथील सुप्रसिद्ध विधी तज्ज्ञ कै. ॲड. बळवंतराव पाटील खानापूरकर यांना सोळाव्या स्मृती दिनानिमित्त येथील महात्मा फुले महाविद्यालयात भावपूर्ण आदरांजली अर्पण करण्यात आली. महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली झालेल्या या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. डी. डी.चौधरी हे होते. यावेळी इतिहास तथा सांस्कृतिक विभाग प्रमुख डॉ. बब्रुवान मोरे यांनी कै. बळवंतराव पाटील खानापूरकर यांच्या जीवन व कार्याविषयी सविस्तर माहिती दिली. या अभिवादन सभेला महाविद्यालयातील सर्व प्राध्यापक, कार्यालयीन कर्मचारी व विद्यार्थी उपस्थित होते.