महात्मा फुले महाविद्यालयात क्रांतिज्योती सावित्रीमाईंना अभिवादन

अहमदपूर (गोविंद काळे) : भारतातील पहिल्या शिक्षिका, स्त्रीशिक्षणाच्या जनक आणि महान समाजक्रांतिकारक युगनायिका क्रांतिज्योती सावित्रीमाई फुले यांच्या स्मृतीदिनानिमित्त त्यांना येथील महात्मा फुले महाविद्यालयात विनम्र अभिवादन करण्यात आले.

यावेळी झालेल्या कार्यक्रमाचे अध्यक्ष महाविद्यालयाचे प्राचार्य डॉ वसंत बिरादार पाटील हे होते. त्यांच्या हस्ते सावित्रीमाई फुले यांच्या प्रतिमेचे पूजन करण्यात आले. त्यानंतर प्राध्यापक व कर्मचारी यांनीही पुष्प अर्पण करून अभिवादन केले. याप्रसंगी समाजशास्त्र विभागाच्या विद्यार्थ्यांनी तयार केलेल्या भित्तीपत्रकाचे प्रकाशनही प्राचार्य डॉ वसंत बिरादार पाटील यांच्या हस्ते झाले. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ बब्रुवान मोरे यांनी केले तर आभार प्रदर्शन डॉ सतिश ससाणे यांनी केले. यावेळी महाविद्यालयातील सर्व प्राध्यापक व कर्मचारी, विद्यार्थी उपस्थित होते.