ज्ञानदीप मिल्ट्री अकॅडमी येथे जागतिक महिला दिन उत्साहात साजरा

अहमदपूर (गोविंद काळे) : येथील ज्ञानदीप अकॅडमी येथे जागतिक महिला दिनानिमित्त विविध कार्यक्रमाचे आयोजन करण्यात आले होते तसेच विविध क्षेत्रात कार्यरत असलेल्या महिला मान्यवरांचे अकॅडमीमध्ये आगमनानंतर लेझिम पथकाद्वारे त्यांचे स्वागत करण्यात आले.

याविषयी सविस्तर माहीती अशी की, जागतिक महीला दिनानिमित्त ज्ञानदिप अकॅडमी येथे विविध कार्यक्रमाचे आयोजन करण्यात आले होते या कार्यक्रमाच्या अध्यक्षस्थानी अकॅडमीच्या संचालिका दैवशाला इप्पर ह्या होत्या तर प्रमुख पाहुणे म्हणुन न.पा नगरअध्यक्षा आश्विनी कासनाळे पंचायत समिती सभापती गंगासागर जाभाडे इनरव्हील क्लब अध्यक्षा मिनाक्षी करकनाळे आदींची उपस्थिती होती. यावेळी प्रा. अरूणा जाधव यांनी उपस्थित महीलांना सखोल असे मार्गदर्शन केले महिला दिनानिमित्त घेण्यात आलेल्या निबंध स्पर्धा मधील विद्यार्थिनीना मान्यवरांच्या हस्ते बक्षीस वितरण करण्यात आले.

सदरील कार्यक्षाचे प्रास्ताविक डॉ.मिनाक्षी करकनाळे यांनी केले सुत्रसंचलन अकॅडमीची विद्यार्थीनी गीता रंजवे व प्राची बनसोडे केले तर आभार जि.प माजी सदस्या प्राचार्य रेखाताई तरडे यांनी मानले. यावेळी भाग्यश्री येलमटे,शोभा टोंम्पे, संगिता खंडागळे,लोहारे मॅडम,वतनी मॅडम,अर्चन मजगे,प्रतिभा घोगरे,भाग्यश्री येलमटे, पुष्पा गायकवाड, सुप्रिया जगताप, राणी दळवी,कलावती भातांब्रे आदींची उपस्थिती होती. कार्यक्रम यशस्वी पार पाडण्यासाठी ज्ञानदीप अकॅडमीचे संचालक उध्दव इप्पर व सर्व कर्मचारी वर्गाने सहकार्य केले.