म. फुले महाविद्यालयात छत्रपती संभाजी महाराज यांना अभिवादन

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने धर्मवीर छत्रपती संभाजी महाराज यांना स्मृतिदिना निमित्त अभिवादन करण्यात आले.
याबाबतचे सविस्तर वृत्त असे की, प्राचार्य डॉ. वसंत बिरादार पाटील यांच्या मार्गदर्शनाखाली धर्मवीर छत्रपती संभाजी महाराज यांच्या स्मृतिदिनानिमित्त घेण्यात आलेल्या कार्यक्रमाच्या अध्यक्षस्थानी सांस्कृतिक विभाग प्रमुख डॉ. बब्रुवान मोरे हे होते तर प्रमुख पाहुणे म्हणून डॉ. अनिल मुंढे यांची प्रमुख उपस्थिती होती. याप्रसंगी डॉ. अनिल मुंढे यांनी छत्रपती संभाजी महाराज यांच्या जीवनावर जीवन व कार्यावर प्रकाश टाकला तर कार्यक्रमाचा अध्यक्षीय समारोप डॉ. बब्रुवान मोरे यांनी केला.
या कार्यक्रमाचे प्रास्ताविक व सूत्रसंचालन समाजशास्त्र विभाग प्रमुख डॉ. सतीश ससाने यांनी केले महाविद्यालयातील प्राध्यापक व कार्यालयीन कर्मचारी उपस्थित होते.