अहमदपुरच्या फुले महाविद्यालयात डॉ. सूर्यकांत जोगदंड व डॉ. डी. एन. मोरे यांचा सत्कार

अहमदपूर (गोविंद काळे) : नुकत्याच झालेल्या स्वामी रामानंद तीर्थ मराठवाडा विद्यापीठाच्या सिनेट व अकॅडमिक कौन्सिलच्या निवडणुकीत प्रचंड बहुमताने निवडून आलेले ‘स्वामुक्टा’ संघटनेचे नेते डॉ. सूर्यकांत जोगदंड व डॉ. डी.एन.मोरे यांचा येथील महात्मा फुले महाविद्यालयात प्राचार्य डॉ. वसंत बिरादार पाटील यांच्या हस्ते सत्कार करण्यात आला. याबाबत अधिक माहिती अशी, की नांदेड येथील स्वामी रामानंद तीर्थ मराठवाडा विद्यापीठाच्या विविध प्राधिकरणांची निवडणूक नुकतीच पार पडली असून, या निवडणुकीत विजयी झालेले स्वामुक्टा संघटनेचे नेते डॉ. डी. एन. मोरे व डॉ. सूर्यकांत जोगदंड यांनी महात्मा फुले महाविद्यालयास सदिच्छा भेट दिली. यावेळी त्यांचा महाविद्यालयाच्या वतीने प्राचार्य डॉ. वसंत बिरादार पाटील यांनी पुष्पगुच्छ देऊन सत्कार केला. याप्रसंगी उपप्राचार्य डॉ. दुर्गादास चौधरी, डॉ. मारोती कसाब यांच्यासह महाविद्यालयातील प्राध्यापक व कर्मचारी उपस्थित होते.