जनावरांची काळजी घ्यावी व वेळेत उपचार करावे
आमदार बाबासाहेब पाटील साहेब यांचे आवाहन
चाकूर (गोविंद काळे) : तालुक्यात विविध रोगाने विविध जनावरे दगावल्याने आज आमदार बाबासाहेब पाटील यांनी चाकूर तालुक्यातील गांजूर येथे भेट दिली यात त्यांनी शेख मुस्तफा , भाऊसाहेब पुंडलिक शिंदे ,बाबुराव महापुरे, प्रशांत शिंदे ,बाबुराव सोमवंशी, अण्णासाहेब काळे, शिवाजी शिंदे, राजकुमार शिंदे, प्रकाश शिंदे, जगन्नाथ शिंदे यांची विविध जनावरे दगावली होती या शेतकऱ्यांचे आमदार बाबासाहेब पाटील यांनी सांत्वन केले.
त्याचबरोबर या सर्वांचे जिल्हा पशु वैद्यकीय अधिकारी डाॅ पडीले, तालुका पशुधन अधिकारी डाॅ कोकणे यांना भ्रमणध्वनीवरुन शवविच्छेदन करण्याचा सूचना आमदार बाबासाहेब पाटील यांनी केल्या असून जिल्हा पशु अधिकारी यांच्याशी चर्चा करून चाकूर तालुक्यासाठी तात्काळ 5000 लसीची उपलब्धता करून देण्याच्या सुचना देण्यात आल्या असून त्याची लवकरच पूर्तता केली जाईल असे सांगीतले तसेच सध्या फऱ्या रोगाची शक्यता वर्तवण्यात येत असून या पार्श्वभूमीवर आपण सर्वांनी जनावरांची काळजी घेणे आवश्यक आहे असे आवाहन बाबासाहेब पाटील यांनी केले. यावेळी जि.प सदस्य माधव जाधव ,गणपत आबा कवठे, अनिलराव वाडकर, लालासाहेब शिंदे ,नाना शिंदे ,सिध्देश्वर लोहारे,सचिन तोरे व शेतकरी उपस्थित होते.
About The Author
