म. फुले महाविद्यालयाच्या अभ्यास केंद्रात यशवंतराव चव्हाण यांची जयंती साजरी
अहमदपूर ( गोविंद काळे ) : येथील महात्मा फुले महाविद्यालयाच्या यशवंतराव चव्हाण महाराष्ट्र मुक्त विद्यापीठाच्या अभ्यास केंद्राच्या वतीने आधुनिक महाराष्ट्राचे शिल्पकार व संयुक्त महाराष्ट्राचे पहिले मुख्यमंत्री स्वर्गीय यशवंतराव चव्हाण यांची जयंती साजरी करण्यात आली.
याबाबतचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली स्व. यशवंतराव चव्हाण यांच्या जयंती कार्यक्रम महाविद्यालयाच्या यशवंतराव चव्हाण महाराष्ट्र मुक्त विद्यापीठ अभ्यास केंद्रात आयोजित करण्यात आला. या कार्यक्रमाच्या अध्यक्षस्थानी उपप्राचार्य डॉ. दुर्गादास चौधरी हे होते तर प्रमुख मार्गदर्शक म्हणून महाविद्यालयाच्या यशवंतराव चव्हाण महाराष्ट्र मुक्त विद्यापीठ नाशीक च्या अभ्यास केंद्राचे संयोजक डॉ.अनिल मुंढे हे उपस्थित होते. यावेळी डॉ. अनिल मुंढे यांनी यशवंतराव चव्हाण यांच्या जीवन व कार्यावर प्रकाश टाकला. तसेच या कार्यक्रमाचा अध्यक्षीय समारोप उपप्राचार्य डॉ. दुर्गादास चौधरी यांनी केला.
या कार्यक्रमाचे प्रास्ताविक डॉ. मारोती कसाब यांनी केले तर सूत्रसंचालन सांस्कृतिक विभाग प्रमुख डॉ. बब्रुवान मोरे यांनी केले व आभार डॉ. सतीश ससाणे यांनी मानले. यावेळी महाविद्यालयातील सर्व प्राध्यापक, कार्यालयीन कर्मचारी व अभ्यास केद्राचे विद्यार्थी कोवीड-19 तिच्या नियमांचे पालन करुन उपस्थित होते.
About The Author
