अक्षरनंदन मराठी शाळेत मलकापूर ग्रामपंचायत सरपंच, उपसरपंच व सदस्यांचा सत्कार

उदगीर (एल.पी.उगीले) : येथील अक्षनंद मराठी प्राथमिक व माध्यमिक शाळेत मलकापूर ग्रामपंचायत मधील सरपंच, उपसरपंच व इतर निवडून आलेल्या सदस्यांचा सत्कार समारंभ आयोजित करण्यात आला होता. या कार्यक्रमाला अध्यक्ष म्हणून समर्थ सेवाभावी संस्थेचे सचिव माधवराव हलगरे उपस्थित होते. तर प्रमुख पाहुणे म्हणून संस्था अध्यक्षा सावळे भारतबाई तसेच निवडून आलेले सरपंच बिरादार गुरुनाथ, उपसरपंच शेख मेहबूब साहब उपस्थित होते.

कार्यक्रमाची सुरुवात प्रतिमा पूजन करून करण्यात आली यावेळी सरपंच, उपसरपंच व इतर सदस्य यांचा शाल पुष्पहार आणि सत्कार करण्यात आला यावेळी पवार गंगाधर, पवार दत्तात्रेय, भालेराव महानंदा, तोडकर महेश, पवार सचिन, मेहेकरे चंद्रकला, शेख अशाबी, महेंद्रकर दीपा, सय्यद परवीन हे ग्रामपंचायत सदस्य उपस्थित होते. यांचाही सत्कार शाळेच्या वतीने शाल, श्रीफळ, पुष्पहार देऊन करण्यात आला. याप्रसंगी प्राथमिक शाळेचे मुख्याध्यापक शिवशंकर जीवणे व माध्यमिक विभागाचे मुख्याध्यापक मारुती बिरादार, सर्व शिक्षक व शिक्षकेतर कर्मचारी, विद्यार्थी उपस्थित होते. कार्यक्रमाचे सूत्रसंचालन सुवर्णा येणापुरे यांनी केले तर आभार मारुती बिरादार यांनी मानले.