ज्युनिअर राष्ट्रीय तलवार बाजी स्पर्धेत माही आरदवाड चे नेत्रदीपक यश…
अहमदपूर (गोविंद काळे) : नुकत्याच झारखंड राज्यातील रुद्रापूर येथे 28 वी ज्युनिअर राष्ट्रीय तलवारबाजी स्पर्धा पार पडली. सदरील स्पर्धेमध्ये किलबिल नॅशनल स्कुल या शाळेची विद्यार्थिनी कु माही किशोर आरदवाड हिने सहभाग नोंदवला होता. त्यामध्ये तिने सेबर क्रीडा प्रकारात कांस्य पदक मिळवून घवघवीत यश संपादन केले.तसेच याच स्पर्धेत महात्मा फुले महाविद्यालयाची कु ज्ञानेश्वरी शिंदे हिने इप्पी प्रकारात कांस्य पदक मिळविले तर वरिष्ठ गटातील स्पर्धेत 6 वा क्रमांक मिळवून घवघवीत यश संपादन केले. या यशाबद्दल किलबिल शाळेच्या वतीने सत्कार समारंभ आयोजित करण्यात आला होता. त्याप्रसंगी लातूर जिल्हा तलवारबाजी असोसिएशनचे सचिव प्रा डॉ अभिजित मोरे, शिवछत्रपती पुरस्कार विजेते प्रा दत्ताभाऊ गलाले, किलबिलचे संचालक ज्ञानोबा भोसले, प्राचार्य संतोष पाटील, क्रीडा मार्गदर्शक मोसीन शेख, कृष्णा शिंदे, राजकुमार कदम आदी उपस्थित होते.
About The Author
