महाराष्ट्र लोकसेवा आयोगाचे परीक्षा केंद्र उदगीर येथे मंजूर करून घ्यावे – मागणी
उदगीर (एल.पी.उगीले) : महाराष्ट्र लोकसेवा आयोगाचे परीक्षा केंद्र उदगीर येथे करावे अशी मागणी रिपब्लिकन पार्टी ऑफ इंडिया (आ ) युवक आघाडी लातूरचे जिल्हाध्यक्ष सुशीलकुमार शिंदे यांनी केली आहे.
महाराष्ट्र लोकसेवा आयोगामार्फत सरकार विविध पदाची परीक्षा घेऊन कर्मचारी व अधिकारी यांची भरती करीत असते, या परीक्षांची केंद्र फक्त सध्या जिल्ह्याच्या ठिकाणी आहेत. उदगीर, जळकोट, देवणी या भागातील हजारो विद्यार्थी या परीक्षेची तयारी करून अधिकारी होण्याची स्वप्न पाहतात. पण उदगीर, जळकोट, देवणी या परिसरातील विद्यार्थ्यांना परीक्षेकरिता जाण्यासाठी खूप अडचणींना सामोरे जावे लागते, परीक्षा केंद्राकडे जाण्यासाठी विद्यार्थ्यांना आपल्या गावातून बसची सुविधा नसते, त्यांना परीक्षा केंद्र पर्यंत खूप पायपीट करावी लागते. आणि अनेक विद्यार्थी वेळेवर न पोहोचल्यामुळे त्यांचे अधिकारी होण्याची स्वप्न स्वप्नच राहून जाते.तरी उदगीर, जळकोट, देवणी या भागातील महाराष्ट्र लोकसेवा आयोगाच्या परीक्षा देणाऱ्या विद्यार्थ्यांच्या मागणीची कदर करून जिल्हाधिकारी यांनी उदगीर येथे महाराष्ट्र लोकसेवा आयोगाचे परीक्षा केंद्र करावे. अशी मागणी रिपब्लिकन पार्टी ऑफ इंडिया( आ ) युवक आघाडी लातूरचे जिल्हाध्यक्ष सुशीलकुमार शिंदे यांनी केली आहे.
About The Author
