वाढवणा येथे शिवजयंती उत्साहात साजरी

वाढवना बु.(हुकूमत शेख) : वाढवणा बु. येथिल शिवाजी महाराज चौकातील सार्वजनिक महाराज यांच्या जयंती निमित्त तरुणांनी पुतळ्याची साफ सफाई व रंगरगोटी, चौकात रोषणाई करून भगवे झेंडे लावुन महाराज यांच्या पुतळ्यास गावातील सर्व शिवप्रेमीनी हार अर्पण करून, श्रीफळ फोडून अभिवादन करीत गावातून मोटारसायकल रॅली व ऑटो रॅली काढण्यात आली होती. महाराज यांच्या जयंती निमित्त औचित्य साधुन अनेक मान्यवरानी महाराज यांच्या अनेक प्रसंगा विषयी जनजागृती करण्यात आली. महाराज चाणक्ष व परस्त्रीला माता मानणारे एकमेव असे राजे होऊन गेले, त्यांनी सुराज्य स्थापन केले होते. गणिमी कावा शिकावा तर शिवबा कडुन शिकावा, त्यांनी सर्व जाती धर्मातील मावळ्यांना सोबत घेऊन सुराज्याची स्थापना केली. व रयतेचा राजा म्हणुन आज पण ते सर्वांच्या मनात घर करून आहेत. म्हणूनच आपण त्यांची जयंती उत्साहात साजरी करत आहोत. अशा अनेक गोष्टीची आठवण वक्त्यांनी करून दिली. चौकात घोषणा देत गाव भर रॅली काढण्यात आली होती. गावात सर्व भगवा मय वातावरण दिसत होते.