प्राचार्य डॉ. वसंत भोसले यांची महात्मा फुले महाविद्यालय सदिच्छा भेट

अहमदपूर (गोविंद काळे) : येथील महात्मा फुले महाविद्यालयास परभणी येथील कमलताई जामकर महिला महाविद्यालयाचे प्राचार्य तथा स्वामी रामानंद तीर्थ मराठवाडा विद्यापीठ नांदेडचे सिनेट सदस्य प्राचार्य डॉ. वसंत भोसले यांनी सदिच्छा भेट दिली. याबाबतचे सविस्तर वृत्त असे की, स्वामी रामानंद तीर्थ मराठवाडा विद्यापीठाचे माजी परीक्षा नियंत्रक तथा संचालक, माजी व्यवस्थापन परिषद सदस्य म्हणून तसेच विविध प्राधिकरणावर यशस्वीरित्या कार्य करणारे डॉ. वसंत भोसले एक कृतिशील प्राचार्य व प्रशासक म्हणून सर्वपरिचित आहेत. त्यांनी नुकतीच महात्मा फुले महाविद्यालयाला भेट देऊन महाविद्यालयाच्या विविध उपक्रमाचे कौतुक केले. यावेळी प्राचार्य डॉ. वसंत बिरादार पाटील यांनी त्यांचा यथोचित सत्कार करून सन्मानित केले. यावेळी उपप्राचार्य डॉ. दुर्गादास चौधरी, मराठी विभागातील प्रोफेसर डॉ. अनिल मुंढे, समाजशास्त्र विभाग प्रमुख डॉ. सतीश ससाणे, इतिहास विभाग प्रमुख डॉ. बब्रुवान मोरे, हिंदी विभागाचे डॉ. पांडुरंग चिलगर यांच्यासह महाविद्यालयातील प्राध्यापक, कार्यालयीन कर्मचारी उपस्थित होते.