ट्रॅक्टर चोरी करणारे आरोपी गजाआड; स्थानिक गुन्हे शाखेची दमदार कारवाई
उदगीर ( भगवान जाधव ) दिनांक ११ / ४ / २१ : लातूरच्या स्थानिक गुन्हे शाखेने ट्रॅक्टर आणि ट्रॉली चोरणाऱ्या आरोपींना अटक केली असून त्यांच्या ताब्यातून ट्रॅक्टर हेड आणि ट्रॉली सह, गुन्ह्यात वापरण्यात आलेली एक स्कॉर्पिओ गाडीसह ११ लाख रुपयाचा मुद्देमाल हस्तगत केला आहे.
याबाबत थोडक्यात हकीकत अशी की, पोलीस ठाणे, उदगीर ग्रामीण हद्दी मधून ट्रॅक्टर आणि ट्रॉली चोरी झाल्याची तक्रारीवरून उदगीर ग्रामीण पोलीस ठाण्यात गुरनं ४७/२१ कलम ३७९ भादवी प्रमाणे गुन्हा दाखल करण्यात आला होता. सदर गुन्हा उघडकीस आणण्याकरिता पोलीस अधीक्षक निखिल पिंगळे व अप्पर पोलीस अधीक्षक श्री. हिम्मतजी जाधव यांच्या आदेशाने स्थानिक गुन्हे शाखेचे पोलीस निरीक्षक गजानन भातलवंडे यांचे नेतृत्वात पथक तयार करण्यात आले होते. सदर गुन्ह्याचा तपास करीत असताना स्थानिक गुन्हे शाखेच्या पथकाला मिळालेल्या गोपनीय माहितीच्या आधारे मौजे, झोला तालुका गंगाखेड जिल्हा परभणी येथे राहणारा श्रीहरी सुर्यकांत मुरकुटे (वय ४१) यास ता गंगाखेड ते पालम रोड वरून चोरीस गेलेल्या ट्रॅक्टर हेड व ट्रॉली सह. ताब्यात घेण्यात आले. त्याच्याकडे विचारपूस केली असता त्याने इतर 3 साथीदारांच्या सहाय्याने सदरचा गुन्हा केल्याची कबुली दिली.
गुन्हात चोरलेला ट्रॅक्टर हेड-ट्रॉली व गुन्हा करते वेळी वापरलेली स्कार्पिओ गाडी पोलिसांनी गुन्ह्यात सहा लाख रुपयांचा (६,००,०००) रु. चा मुद्देमाल जप्त केला आहे. पुढील तपास उदगीर ग्रामीण पोलीस करत आहेत.
पोलीस अधीक्षक श्री. निखिलजी पिंगळे साहेब व तसेच अप्पर पोलीस अधीक्षक श्री. हिम्मतजी जाधव साहेब यांच्या मार्गदर्शनाखाली व स्थानिक गुन्हे शाखेचे पोलीस निरीक्षक श्री. गजानन भातलवंडे यांच्या नेतृत्वात स.पो.उपनि. श्री. संजय भोसले , पो.ना. १२५ श्री. सुधीर कोळसुरे , पो.ना. १४०४ श्री. सिद्धेश्वर जाधव व पो.ना ७११ श्री. बालाजी जाधव , सायबर सेलचे पो.ना. १४४५ श्री. प्रदीप स्वामी , पो.कॉ. गणेश साठे व पोह. १०८२ श्री. नागनाथ जांभळे यांनी धडाकेबाज कारवाई केली.
About The Author
