डॉ.बाबासाहेब आंबेडकर जयंती निमित्त रुद्धा येथे कोविड लसीकरण

अहमदपूर (गोविंद काळे) : ग्रामपंचायत कार्यालय येथे भारतरत्न डाॅ.बाबासाहेब आंबेडकर यांच्या जयंतीच्या निमित्ताने कोव्हीड19 चे लसीकरण गावकऱ्यांना करण्यात आले. सुरूवातीला डाॅ.बाबासाहेब आंबेडकर यांच्या प्रतिमेस सौ.वंदना अण्णाराव केंद्रे यांच्या हस्ते पुष्पहार अर्पण करून अभिवादन करण्यात आले. यावेळी उपसरपंच बालाजी सुरनर,ग्रामसेवक शरण बिराजदार, प्रा.आण्णाराव केंद्रे, ग्रा. पं. सदस्य युवराज बदने,आरोग्य उपकेंद्राचे आरोग्य अधिकारी डॉ. नाईक, डॉ. सोनटक्के, डॉ. पोपलाईत,आशा कार्यकर्ती जयश्री केंद्रे, सुवर्णा केंद्रे, ग्रापंचायत कर्मचारी श्याम गित्ते उपस्थित होते. या वेळी तालुका वैद्यकीय अधिकारी डॉ.दासरे, तालुका सुपरवायझर डॉ. गुंडरे यांनी उपकेंद्रास भेट देवून पाहाणी केली. यावेळी तालूका आरोग्य अधिकारी डॉ. दासरे यांचा रुद्धा ग्रामपंचायतीच्या वतीने युवराज बदने यांच्या हस्ते सत्कार करण्यात आला. सदर कार्यक्रमास ग्रामस्थ कोव्हीडच्या नियमावलीचे पालन करून उपस्थित होते.