एक हात मदतीचा उपक्रमा अंतर्गत युवकांची १ लाख १ हजार रूपयांची मदत

अहमदपूर (गोविंद काळे) : तालुक्यातील मौजे सुमठाना येथील मेहनती युवक मुसळे तुळशीदास बाबुराव यांचा 1 जून 2020 रोजी दुर्दैवाने अपघात होऊन निधन झाले होते त्याच्या कुटुंबीयाला एक हात मदतीचा उपक्रमा अंतर्गत युवकांनी जमेल तेवढी वर्गणी गोळा करून १ लाख १ हजार रूपयांची मदत केली आहे.

याविषयी सविस्तर माहिती अशी की अहमदपूर तालुक्यातील सुमठाना येथील युवक यांचा १ जुन रोजी अपघात होऊन निधन झाले होते त्यांच्या पश्चात आई-वडील पत्नी व एक 2 वर्षाची मुलगी असा परिवार आहे घरातील कर्ता मुलगा गेल्या नंतर आई-वडील पत्नी मुलगी यांच्यावर पुढील जीवन कसे जगायचे अशी परिस्थिती निर्माण झाली होती. परंतु सुमठाणा येथील काही युवक व मित्र परिवार यांनी पुढे येऊन एक हात मदतीचा म्हणून समाजातील प्रतिष्ठित नागरिक मित्र परिवार या सर्वांच्या सहकार्याने साह्याने 1 लाख 1 हजार रुपये जमा केले व ते कै. तुळशीदास मुसळे यांची मुलगी कुमारी तनुजा तुळशीदास मुसळे हिचे पोस्ट ऑफिस मध्ये सुकन्या योजनेत खाते काढून ही रक्कम जमा केली यावेळी कै. तुळशीदास मुसळे यांचे वडील बाबुराव विश्वनाथ मुसळे यांना सोबत घेऊन त्यांच्या हाताने पोस्ट ऑफिस मध्ये पैसे भरून घेतल. यावेळी गिरजाप्पा मुसळे, भागवत मुसळे, व्यंकट मुसळे, संजीव मुसळे, संतोष मुसळे, बळीराम पोले, संग्राम मुसळे , बालाजी मुसळे, दीपक मुंडे, युवराज बदने पोस्ट ऑफिस अधिकारी श्री कुरुळेकर संजय उपस्थीत होते. यावेळी समाजातील युवक, सहकार्य केलेल्या सर्व मित्र परिवार प्रतिष्ठित नागरिक सर्वांचे मनःपूर्वक आभार व्यक्त करण्यात आले.