श्रीकांत क्रिकेट अकॅडमी टिमचा दणदणीत विजय

लातूर (प्रतिनिधी) : भाजपा युवा नेते अजितसिंह पाटील कव्हेकर यांच्या संकल्पनेतून अराईज क्‍लासेसच्या पुढाकारातून अजितसिंह पाटील कव्हेकर चषक टी-20 2020 या लेदर बॉल राज्यस्तरीय क्रिकेट स्पर्धा दयानंद महाविद्यालयाच्या स्टेडीयमवर सुरू आहेत. यामध्ये बी.एम.सी.सी. विरूध्द श्रीकांत क्रिकेट अकॅडमी यांच्यामध्ये झालेल्या सामन्यामध्ये 23 धावाचे लक्ष पूर्ण करीत 3 ओव्हरमध्ये बी.एम.सी.सी.टीमवर श्रीकांत क्रिकेट अकॅडमीने दणदणीत विजय मिळविला.
पाचव्या दिवशी झालेल्या दुसर्‍या सत्रामध्ये बी.एम.सी.सी.विरूध्द श्रीकांत क्रिकेट अकॅडमी यांच्यात स्पर्धा झाली. यामध्ये बी.एम.सी.सी.लातूर या टीमने नाणेफेक जिंकून फक्‍त 23 धावा केल्या. तर श्रीकांत क्रिकेट अकॅडमीच्या शुभम हरपळे या खेळाडूने सात बळी घेतले. 23 धावांचे लक्ष श्रीकांत अकॅडमीने फक्‍त 3 ओव्हरमध्ये पूर्ण केले. यामध्ये खेळाडू श्रीकांत सर यांनी 1 षटकार आणि दोन चौकार मारत 18 धावा केल्या. तर पाचव्या दिवशी पहिल्या सत्रामध्ये पाटील वॉरियर्स विरूध्द एस.के.हिटर्स यांच्यामध्ये सामना झाला. एस.के. हिटर्स संघाने नाणेफेक जिंकून प्रथम क्षेत्ररक्षण करण्याचा निर्णय घेतला. यामध्ये पाटील वारियर्सने 20 ओव्हरमध्ये 139 धावा केल्या. तर प्रविण दी.शेट्टी याने 64 धावा केल्या. संदेशने 20 आणि यश बरगे या खेळाडूने जलद 32 धावा केल्या. तर विरूध्द खेळणार्‍या एस.के. हिटर्स या टीमने 117 धावा केल्या. यामध्ये आनंद रेड्डेवाड यांने 32 धावा केल्या तर पाटील वॉरियर्स ने 32 धावा करून हा सामना जिंकला. अतिशय उत्साहपूर्ण वातावरणात या क्रीडा स्पर्धा संपन्‍न होत आहेत.