बाजार समितीच्या नूतन संचालकांचा सत्कार

लातूर (प्रतिनिधी) : लातूर कृषी उत्पन्न बाजार समिती येथील महाविकास आघाडीच्या कृषी विकास पॅनल मधून निवडून आलेले नूतन संचालक सुभाष घोडके व आनंद पाटील यांचा शिक्षक आमदार विक्रमजी काळे यांच्या हस्ते जिजामाता माध्यमिक व उच्च माध्यमिक विद्यालय एमआयडीसी लातूर येथे संस्थेच्या वार्षिक सर्वसाधारण सभेत नूतन संचालकांचा सत्कार आमदार विक्रम काळे यांनी शाल पुष्पगुच्छ देऊन सत्कार करण्यात आला व पुढील वाटचालीस त्यांना शुभेच्छा देऊन अभिनंदन केले. याप्रसंगी संस्थाध्यक्ष प्राध्यापक गंगाधर हिंगोले सर, कोषाध्यक्ष प्राचार्य अनिल काळे, संचालक रणवीर काळे, मुख्याध्यापक युवराज शिंदे व शिक्षक कर्मचारी उपस्थित होते.