अनेक तरुणांचा मनसे मध्ये प्रवेश

उदगीर (एल.पी.उगीले) : महाराष्ट्र नवनिर्माण सेना हा पक्ष सर्वसामान्य जनतेला न्याय मिळवून देण्यासाठी रस्त्यावर उतरून लढणारा पक्ष आहे. समाजातील सर्व स्तरातील समस्या सोडवण्यासाठी मनसे सातत्याने प्रयत्नशील असते, तसेच महाराष्ट्राचे नवनिर्माण घडविण्याची ताकद राज ठाकरे यांच्या नेतृत्वात आहे. त्यामुळे राज ठाकरे यांच्या विचारावर व त्यांच्या नेतृत्वावर विश्वास ठेवून उदगीर शहरातील तरुण कार्यकर्त्यांनी मनसेमध्ये प्रवेश केला. मनसे जिल्हाध्यक्ष संजय राठोड यांच्या मार्गदर्शनाखाली शहराध्यक्ष संतोष भोपळे यांच्या नेतृत्वात राहुल शेल्हाळे,अविनाश जाधव यांच्या पुढाकारातुन अंधारे ज्ञानेश,यमलवार अक्षय, कमलेकर आंबादास,कांबळे आदित्य, करक्याळे दिपक , मलशट्टे सुरज , बोईनवाड रोहित , बिरादार अनिकेत , चव्हाण राहुल , जाधव राम सह त्यांच्या युवा सहकाऱ्यानी मनसेमध्ये प्रवेश केला. यावेळी तालुका सचिव सुनिल तोंडचिरकर, शहर सचिव लखन पुरी, अजय भंडे,विजय देबडवार, यांच्यासह शहरातील पदाधिकारी उपस्थित होते.