एमआयडीसी पोलीस पुन्हा धडाकेबाज! गांजाविक्रेत्यांची स्थिती बिघडलीकी आज!!

लातूर (कैलास साळुंके) : “हाय कंबख्त तूने पी हि नही!” असा एक डाॅयलाॅग नशेच्या अधिन लोक बोलतात. त्यात तथ्य किती हा विषय जरी असला तरी या धंद्यातील पटाईत लोक मी मी म्हणणार्‍यांना गिलासात उतरवत असतात.हे सत्य आहे. लातूरात नशेडी गॅंगची संख्या कमी नाही.त्यासाठी नशा पुरवठा करणार्‍यांची संख्या वाढत चालली आहे.

लातूर येथे एमआयडीसी पोलिसांनी गांजा विक्रेत्यांच्या विरोधात कठोर भुमिका घेत,लाखोंचा मुद्येमाल जप्त केला आहे.या संदर्भात पोलीस सुत्राकडून हाती आलेली माहिती अशी की, लातूर येथील पोलीस उपअधिक्षक जितेंद्र जगदाळे यांच्या मार्गदर्शनाखाली पोलीस निरीक्षक संजीवन मिरकले यांचे नेतृत्वात एमआयडीसी पोलिस ठाणे येथिल पोलीस अधिकारी व अंमलदार यांची वेगवेगळी पथके तयार करण्यात आली. पोलिसांना मिळालेल्या गोपनीय माहिती च्या आधारे पोलिसांनी खाडगाव ते 05 नंबर पाटी जाणारे रिंगरोड वर एक पांढऱ्या रंगाची स्विफ्ट डिझायर कार ज्याचा क्रमांक एम.एच.24 ए.एफ. 2095 असा आहे. ती कार येताना दिसली, सापळा मधील अधिकारी व अंमलदार यांनी सदरची कार थांबवून त्या कारची झडती घेतली असता त्या कारच्या डिक्की मध्ये संशयास्पद वस्तु आढळुन आल्या! त्याची पंचा समक्ष झडती घेतली त्या मध्ये प्लास्टिकच्या 43 पिशव्या ज्यामध्ये तब्बल 94.6 किलोग्राम इतक्या वजनाच्या हिरव्या रंगाचा बीमिश्रित गांजा आढळून आला.ज्याची बाजारातील अंदाजे किंमत अकरा हजार रूपये प्रती किलो ग्रहीत धरल्यास ऐकुण आढळुन आलेला गांजा जवळपास चौदा लाख रूपांच्या जवळपासचा आहे! या प्रकरणी वैभव रानबा उजगरे,( वय-22 वर्ष) व्यवसाय-ड्रायव्हर राहणार-खाडगाव रोड, लातूर. मनोज शेषराव जोगेश्वरी, ( वय-20 वर्ष) राहणार-सारोळा रोड, कुष्ठधाम, लातूर. प्रेमनाथ चंद्रकांत शिंदे, (वय 20 वर्ष) राहणार भारत, सोसायटी गवळी नगर, लातूर हे असुन त्यांनी तपासा दरम्यान स्वतःच्या फायद्यासाठी प्रतिबंधित गांजाची वाहतूक करीत असले बाबत सांगितले आहे.

त्यावरून एम आयडी सी पोलीस ठाणे येथे पोलीस निरीक्षक संजीवन मिरकले यांचे फिर्याद वरून गुन्हा रजिस्टर क्रमांक 346/2021 कलम एन.डी.अॅक्ट 20 (ब) प्रमाणे गुन्हा दाखल करण्यात आला आहे, या गुन्ह्यात तीनही आरोपीताना अटक करण्यात आली आहे. पोलिसांनी जप्त केलेला गांजा व ज्या कार मधून गांजाची वाहतूक करण्यात येत होती, ती कार असा एकूण 14 लाख 86 हजार 730 रुपयाचा मुद्देमाल जप्त करण्यात आला आहे. गुन्ह्याचा अधिक तपास पोलीस उपनिरीक्षक गणेश कदम हे करीत आहेत. सदर पथकात पोलीस उपनिरीक्षक गणेश कदम, संदीप कराड, सहाय्यक पोलीस उपनिरीक्षक जगताप, मुन्ना मदने, पोलीस अंमलदार सलगर, जाधव, बावणे, शेख, गिरी यांचा समावेश होता.सर्वसामान्य जनता पोलिसांच्या कर्तबगारीचे कौतुक करत आहे.