उदगीर शहरात जन परिवर्तन सेवाभावी संस्थेच्या वतीने आधार कार्ड अपडेट कॅम्पचे आयोजन

उदगीर (एल.पी.उगीले) : उदगीर शहरात जन परिवर्तन बहुउद्देशीय सेवाभावी संस्थेच्या वतीने आधार कार्ड अपडेट कॅम्पचे आयोजन मागील पंधरा दिवसांपासून करण्यात येत आहे. या कॅम्पमध्ये नवीन आधार कार्ड काढणे, नावात दुरुस्ती करणे, जन्म तारिख दुरुस्त करणे आदी कामे केली जात आहेत.
विद्यार्थ्यांना नविन प्रवेशाकरिता आधार कार्ड अत्यंत अवश्यक आहे. अनेक नागरिकांचे आधार कार्ड अपडेट नसल्यामुळे अनेक अडचणींना तोंड द्यावे लागत होते.
सेवाभावी संस्थेच्या वतीने नागरिकांची अडचण लक्षात घेता आधार कार्ड अपडेट कॅम्प प्रत्येक वार्डात व गल्लीत घेतली जात आहेत . आज पर्यंत मुसा नगर, फुले नगर, दत्ता नगर , गोविंद नगर, पेट दरवाजा, गांधी नगर , खडकाळी गल्ली , मोमीनपुरा, चर्च रोड, होगी स्वामी मठ परिसर या भागात कॅम्प घेण्यात आल्या. त्यामुळे नागरिकांच्या आधार कार्ड अपडेट करण्याच्या समस्या दूर होत असल्याने नागरिकांकडून आयोजनांचे कौतुक होत आहे . आज पर्यंत ८०० नागरिकांनी याचा लाभ घेतला. या कॉम्पचे जन परिर्वतन संस्थेचे अध्यक्ष व सामाजिक कार्यकर्ते अझरोद्दीन शमशोद्दीन शेख यांनी आयोजन केले होते . या कॉम्पच्या यशस्वीतेकरिता हाशमी शोएब, हाशमी अजहर , हाजी इब्राहिम, फारुकी रियाज, शेख रिहान शेख अबरार शेख, अलताफ शेख , रहेमान खुरेशी आदी परिश्रम घेत आहेत.