शिवाजी महाविद्यालयात राजर्षी शाहू महाराज यांची जयंती साजरी

उदगीर (प्रतिनिधी) : येथील शिवाजी महाविद्यालयात राजर्षी शाहू महाराज यांची 149 वी जयंती साजरी करण्यात आली. या निमित्ताने संस्थेचे अध्यक्ष श्रीरंगराव पाटील, सचिव ज्ञानदेव झोडगे ,कोषाध्यक्ष नामदेव चामले, प्रभारी प्राचार्य डॉ. ए एम नवले, उपप्राचार्य एस व्ही जगताप, उपप्राचार्य डॉ.आर एम मांजरे यांच्या हस्ते प्रतिमेचे पूजन करून पुष्पहार अर्पण करून अभिवादन करण्यात आले. यावेळी डॉ नवले यांनी आरक्षणाचे जनक ,दीन दलितांचे कैवारी ,सामाजिक कार्यात महत्त्वाची भूमिका बजावणारे राजर्षी शाहू महाराज यांच्या कार्यावर प्रकाश टाकला .या कार्यक्रमाचे सूत्रसंचालन जयंती समिती प्रमुख प्रोफेसर डॉ शिंदे एस व्ही यांनी केले, तर आभार डॉ सी जे देशमुख यांनी मानले. हा कार्यक्रम राष्ट्रीय सेवा योजना व जयंती समितीच्या वतीने घेण्यात आला. यावेळी महाविद्यालयातील प्राध्यापक, कार्यालयीन, कर्मचारी व शिक्षकेत्तर कर्मचारी मोठ्या संख्येने उपस्थित होते.