ग्राहक पंचायतीच्या उदगीर तालुका अध्यक्षपदी व्यंकटराव कणसे

उदगीर (प्रतिनिधी) : येथील विद्या वर्धिनी हायस्कूल उदगीर येथील शिक्षक व्यंकटराव शामराव कणसे यांची त्यांच्या शैक्षणिक, सामाजिक, सांस्कृतिक कार्याची दखल घेऊन ग्राहक पंचायतच्या तालुकाध्यक्षपदी निवड केली आहे. यावेळी विभागीय अध्यक्ष प्रा. सतीश माने, विभागीय संघटक प्रा. हेमंत वडणे, जिल्हा संघटक बाळासाहेब शिंदे यांच्या प्रमुख उपस्थितीत त्यांना नियुक्त पत्र देऊन सत्कार करून पुढील वाटचालीस शुभेच्छा देण्यात आल्या. लातूर जिल्ह्यातील सर्व ग्राहक पंचायत कार्यकर्त्यांची नी बैठक य आयोजन करण्यात आली होती. यापूर्वी कणसे यांनी एड्स जनजागृती रॅली, रक्तदान शिबिर,वृक्षारोपण, बेटी पढाव बेटी बचाव, ग्रंथ दिंडी इत्यादी कार्यक्रम स्वतः व रोटरी क्लब ऑफ उदगीर सेंट्रल चे सचिव असताना कार्यक्रम घेऊन सामाजिक कार्याचा ठसा निर्माण केला आहे. या निवडीबद्दल जयदीप सेवाभावी शिक्षण संस्थेचे सचिव एन.आर जवळे, राजकुमार पंचडे,मुख्याध्यापक व्ही.एम बांगे,दादाराव दाडगे, सुनील सावळे, बालाजी धामणसुरे,आर.बी गुळुंगे, रवी हसरगुंडे यांच्यासह सर्व मित्र परिवारासह सर्व स्तरातून व्यंकटराव कणसे यांचे अभिनंदन होत आहे.