अहमदपूर व उदगीर विधानसभा मतदारसंघाला भरीव मदत करणार – विधानपरिषदेचे गटनेते आ. प्रविण दरेकर.
अहमदपूर ( गोविंद काळे ) : अहमदपूर व उदगीर विधानसभा मतदारसंघातील नेते व कार्यकर्त्यांनी द्विदा अवस्थेत राहू नये पंतप्रधान नरेंद्र मोदीचे हात बळकट करण्यासाठी व महाराष्ट्र राज्यातील सरकार भक्कम करण्यासाठी काही पक्षाच्या लोकांना सत्तेत सहभागी करून घेतले आहे.भारतीय जनता पार्टी व महायुतीच्या सरकारच्या माध्यमातून अहमदपूर व उदगीर विधानसभा मतदारसंघात भरीव मदत करुन पुर्ण ताकद देण्यासाठी कटीबद्ध असल्याचे प्रतिपादन विधानपरिषदेचे गटनेते आ. प्रविण दरेकर यांनी केले.
शिरूर ताजबंद येथील पार्थ लॉन्स येथे आज अहमदपूर – चाकुर विधानसभा मतदार संघाचा
मोदी @ ९ जनसंपर्क अभियाना अंतर्गत लाभार्थी मेळावा आयोजित करण्यात आला होता.
या भव्य दिव्य मेळाव्याचे उदघाटक म्हणून विधानपरिषदेचे गटनेते तथा महा जनसंपर्क अभियानाचे महाराष्ट्र राज्याचे प्रमुख आ.प्रवीणजी दरेकर बोलत होते. यावेळी अध्यक्षस्थानी भारतीय जनता पक्षाचे जिल्हा अध्यक्षआमदार रमेश आप्पा कराड हे होते
दरेकर पुढे म्हणाले की आज पंतप्रधान नरेंद्र मोदींनी आपल्या देशाचे नाव जगात केले आहे.अनेक धाडसी व समाजाच्या हिताच्या अनेक योजना राबविल्या आहेत. देशाला भ्रष्टाचार मुक्त करुन सर्व घटकांना न्याय देणाऱ्या पंतप्रधान नरेंद्र मोदींना येणाऱ्या निवडणुकीत आशिर्वाद देण्याचे आवाहन प्रवीण दरेकर यांनी केले.
यावेळी लातूर जिल्ह्याचे जनसंपर्क अभियानाचे प्रमुख लोकप्रिय खासदार सुधाकरजी श्रृंगारे , भाजपा जिल्हाध्यक्ष आमदार.रमेश (अप्पा) कराड , अहमदपूर विधानसभा मतदारसघाचे प्रमुख माजी मंत्री विनायकराव पाटील,माजी आमदार बब्रुवान खंदाडे,माजी आमदार सुधाकर भालेराव, यांनीही यावेळी आपले मनोगत व्यक्त केले.
यावेळी व्यासपीठावर माजी सभापती अशोक काका केंद्रे,आर.डी.शेळके,माजी नगराध्यक्ष भारत चामे,राजकुमार मजगे, त्रंबक आबा गुट्टे,भाजपाच्या महीला जिल्हा अध्यक्षा सौ. भाग्यश्रीताई क्षिरसागर,सभापती निळकंठ मिरकले,जिवणकुमार मद्देवाड, माजी सभापती रोहिदास वाघमारे,युवा मोर्चाचे प्रदेश सचिव अमोल निडवदे,उदगिर तालुका अध्यक्ष बसवराज रोडगे,बालाजी पाटील,माजी उपसभापती सज्जनकुमार लोणाळे,भाजपाचे चाकुर तालुका अध्यक्ष शिवाजी बैनगिरे , विक्रम काका शिंदे,भागवत सोट, अजय काळे, बापू खलंग्रे, प्रशांत पाटील,अॅड.युवराज पाटील,यांच्यासह अनेक जण उपस्थित होते.या मेळाव्याचे संयोजक तथा अहमदपूर चाकुर विधानसभा मतदारसंघाचे प्रमुख माजी मंत्री विनायकराव पाटील यांनी मतदारसंघातील अभियानांतर्गत 30 में ते 30 जून या एक महिन्यात विविध कार्यक्रम घेतल्याची सविस्तर माहिती देऊन अहमदपूर व चाकुर तालुक्यातील शेतकऱ्यांना सरसकट विमा तात्काळ मिळवून देण्याची मागणी यावेळी विधानपरिषदेचे गटनेते प्रविण दरेकर यांच्या कडे केली.
भारतीय जनता पक्षाच्या लाभार्थी व कार्यकर्ता मेळाव्यास अहमदपूर व चाकुर तालुक्यातील जनसागर उसळला होता.
मेळाव्याचे सुत्रसंचालन पुरुत्तम माने यांनी केले तर आभार भारतीय जनता पक्षाचे जिल्हा उपाध्यक्ष गोविंद गिरी यांनी मानले
About The Author
