वीरशैव लिंगायत समाजाचा उदगीर येथे 24सप्टेंबर 2023 रोजी 5 वा भव्य वधू-वर परिचय मेळावा

उदगीर (एल.पी.उगीले) : लिंगायत महासंघ शाखा उदगीरच्या वतीने लिंगायत महासंघाचे प्रांताध्यक्ष प्रा.सुदर्शनराव बिरादार यांच्या मार्गदर्शनाखाली वीरशैव लिंगायत समाजाचा उदगीर येथे रविवार दिनांक 24 सप्टेंबर 2023 रोजी भव्य वधू-वर मेळाव्याचे आयोजन करण्यात आले असल्याचे लिंगायत महासंघाचे प्रदेश सरचिटणीस चंद्रकांत कालापाटील यांनी सांगितले.

प्रतिवर्षाप्रमाणे याहीवर्षी उदगीर शहरात लिंगायत महासंघाच्यावतीने वीरशैव लिंगायत समाजातील वधू-वरांचा तसेच लिंगायत समाजातील सर्व पोटजातींचा तसेच विधवा,विधूर, घटस्फोटीत उमेदवार यांचाही समावेश असलेला वधू-वर परिचय मेळावा रविवार दिनांक 24 सप्टेंबर 2023रोजी उदगीर येथील रघुकूल मंगल कार्यालयात घेण्यात येणार आहे. त्याची तयारी सुरू असून ज्या वधू-वरांना या मेळाव्यात सहभागी व्हायचे आहे, त्यांनी आपले नाव नोंदणी करणे आवश्यक आहे. या वधू-वर मेळाव्याची रंगीत पुस्तिकाही प्रकाशित केली जाणार आहे. रविवारी उदगीर येथील लिंगायत महासंघाच्या वतीने आयोजित बैठकीत वरील निर्णय घेण्यात आला.या बैठकीच्या अध्यक्षस्थानी लिंगायत महासंघाचे प्रदेशाध्यक्ष प्रा सुदर्शनराव बिरादार हे होते. तर प्रमुख पाहुणे म्हणून मल्लिकार्जुन करडखेलकर, दत्तू सिंह वंगवाड, राजाराम पाटील, लक्ष्मणराव वांगे यांच्यासह लिंगायत महासंघाचे तालुकाध्यक्ष चंद्रकांत सिरसे, शहराध्यक्ष सुभाष शेरे, जिल्हा उपाध्यक्ष बसवराज ब्याळे, तसेच बारोळेअप्पा, भिमाशंकर शेळके,संजय शिवशेट्टे, बापुराव शेटकार,महेश धोंडीहिपरगेकर,निलेश हिप्पळगे, संतोष पाटील,सत्यवान बिरादार, महादेव गायकवाड, गुरूनाथ बिरादार अशोक तोंडारे यांच्यासह संघटनेचे अनेक मान्यवर उपस्थित होते.
नाव नोंदणी वधू-वर परिचय मेळावा कार्यालय, सिरसे अक्वा नवा मोंढा( शंकर हुडेंच्या घरासमोर)या ठिकाणी करावी. असे आवाहन लिंगायत महासंघाचे तालुकाध्यक्ष चंद्रकांत सिरसे व शहराध्यक्ष सुभाष शेरे यांनी केले असुन नाव नोंदणीसाठी मो.8010508481, 8317224724 या क्रमांकावर संपर्क करावा. या वधू-वर मेळाव्याचा लाभ जास्तीत जास्त वधू-वरांनी व पालकांनी घ्यावा असे लिंगायत महासंघाचे प्रदेश सरचिटणीस चंद्रकांत कालापाटील यांनी आवाहन केले आहे.