यशवंत विद्यालयाचे जिल्हा स्तरावर क्रीडा स्पर्धेत नेत्र दीपक यश

अहमदपूर (गोविंद काळे) : दि. 24 व 25 ऑगस्ट 2023 रोजी शहरातील अहिल्यादेवी होळकर माध्यमिक विद्यालयात जिल्हास्तरीय सायकलींग रोड रेस स्पर्धेत यशवंत विद्यालयाने मोठे यश प्राप्त केल्याने त्यांचे सर्व स्तरातून अभिनंदन आणि कौतुक करण्यात येत आहे. यात 14 वर्षे वयोगटात 1-पाटील आदिती राजकुमार मास स्टार्ट मध्ये द्वितीय, 2- स्नेहल तानाजी मोरे टाईम ट्रायल मध्ये द्वितीय ,3- वेदांत अजित पवार टाईम ट्रायल प्रथम, 4- गोविंद दिलीप मुगळे टाईम ट्रायल द्वितीय, तसेच 17 वर्षे वयोगटात 1- रोहीणी देवराव पाटील टाईम ट्रायल द्वितीय, 2- समीक्षा सुनिल कुमरे मास स्टार्ट द्वितीय, 3- करण महेश गलाले मास स्टार्ट प्रथम, 4- शर्वरी कृष्णाजी फुलमंटे मास स्टार्ट प्रथम ,5-अवनी रामदास देशमुख मास स्टार्ट द्वितीय, 6-अनिकेत गुरप्पा बावगे टाईम ट्रायल प्रथम, 7-अर्जुन महेश गलाले टाईम ट्रायल द्वितीय,8-अब्रार मुकरम सय्यद टाईम ट्रायल द्वितीय यांनी विजय संपादन करून विभागीय स्पर्धेसाठी त्यांची निवड झाली आहे. या सर्व खेळाडूंना विभाग प्रमुख संतोष कदम, दीपक हिंगणे, प्रभावती मिरजकर यांचे विशेष मार्गदर्शन लाभले होते. या क्रीडा क्षेत्रातील नेत्रदीपक यशाबद्दल सर्व गुणी खेळाडूं आणि मार्गदर्शक शिक्षकांचे संस्थेचे अध्यक्ष डॉ. अशोकराव सांगवीकर, सचिव डी बी लोहारे गुरुजी, मुख्याध्यापक गजानन शिंदे, उप मुख्याध्यापक राजकुमार घोटे, पर्यवेक्षक अशोक पेद्येवाड, निर्मला पंचगले, राम तत्तापुरे,सोमनाथ स्वामी यांच्यासह शिक्षक शिक्षकेतर कर्मचाऱ्यांनी अभिनंदन आणि कौतुक केले आहे.