इकराम बशीरसाब उजेडे यांच्यासह पोलीस नाईक यांची पदोन्नती

उदगीर (प्रतिनिधी) : लातूर जिल्हा पोलीस अधीक्षक कार्यालयाच्या वतीने लातूर जिल्हा पोलीस दलामध्ये वेगवेगळ्या आस्थापनेवर कार्यरत असलेल्या सहा पोलीस नाईकांची पोलीस हवालदार या पदावर पदोन्नती करण्यात आली आहे. नवीन वेतनश्रेणी जाहीर केली आहे. यामध्ये स्थानिक गुन्हे अन्वेषण शाखेतील नकुल प्रकाश पाटील, औसा येथील उपविभागीय पोलीस अधिकारी यांच्या कार्यालयातील संजय मारुती कांबळे, वाढवणा येथे कार्यरत असलेले इकराम उजेडे, गातेगाव येथे कार्यरत असलेले पांडुरंग मधुकरराव नागमोडे, पोलीस मुख्यालयातील बँड पथकात असलेले हरिश्चंद्र सुभाषराव कांबळे, आणि वा.नी. शा.येथे कार्यरत असलेले लक्ष्मण बाबुराव बिरादार यांची पदोन्नती झाल्याचे अधिकृत पत्र देण्यात आले आहे. वाढवणा पोलीस प्रशासनाच्या वतीने इकराम उजेडे यांची पदोन्नती झाल्याबद्दल सहाय्यक पोलीस निरीक्षक भीमराव गायकवाड आणि त्यांच्या सहकाऱ्यांनी यथोचित सत्कार केला. तसेच त्यांना भावी वाटचालीसाठी शुभेच्छा दिल्या.