तुलसी करंजीकर शालेय गटात सर्वप्रथम

उदगीर (प्रतिनिधी) : चिन्मय मिशन उदगीर द्वारा, भगवतगीता पाठांतर स्पर्धेचे आयोजन करण्यात आले होते. या शालेय पातळीवरील स्पर्धेत लाल बहादुर शास्त्री माध्यमिक विद्यालयाची, इयत्ता सातवी मध्ये शिकणारी, तुलसी राजकुमार करंजीकर ही विद्यार्थिनी सर्वप्रथम आली आहे.तिला वर्गशिक्षिका नीता मोरे, पर्यवेक्षक लालासाहेब गुळभिले, अनिता मुळखेडे यांचे मार्गदर्शन लाभले. तुलसीने प्राप्त केलेल्या या यशाबद्दल मुख्याध्यापक अंबादास गायकवाड, उपमुख्याध्यापक संजय कुलकर्णी, पर्यवेक्षक लालासाहेब गुळभिले, माधव मठवाले, नीता मोरे यांनी अभिनंदन केले.