जिल्हास्तरीय गुरुवर्य पुरस्कार 2023 साठी प्रा. डॉ. बालाजी कारामुंगीकर यांची निवड

अहमदपूर (गोविंद काळे) : जी.एस.पी.एम. अर्थात गुणाई शिक्षण प्रसारक मंडळाच्या वतीने दरवर्षी देण्यात येणारा जिल्हास्तरीय गुरुवर्य पुरस्कार 2023 साठी प्रा. डॉ. बालाजी गोविंदराव कारामुंगीकर यांची निवड करण्यात आली आहे. सदरील जिल्हास्तरीय गुरुवर्य पुरस्कार सोहळ्याचे आयोजन दिनांक 2 ऑक्टोंबर 2023 रोजी सकाळी 10.00 वाजता जी.एस.पी.एम. कॅम्पस,जळकोट रोड, उदगीर जि. लातूर या ठिकाणी करण्यात आले असुन या आयोजित कार्यक्रमात मान्यवरांच्या हस्ते सहपरिवार प्रा. डॉ. बालाजी कारामुंगीकर यांना जिल्हास्तरीय गुरुवर्य पुरस्कार प्रदान करण्यात येणार आहे. डॉ. बालाजी कारामुंगीकर यांचे शैक्षणिक, सामाजिक, पत्रकारिता, साहित्य क्षेत्रात दिलेले मोलाचे योगदानामुळे हा पुरस्कार प्रदान करण्यात येणार आहे. सदरील पुरसकारासाठी निवड झाल्यामुळे टागोर शिक्षण समितीचे सचिव, दलित मित्र, शिक्षण महर्षी डी. बी. लोहारे गुरुजी, अध्यक्ष डॉ. अशोकराव सांगवीकर, प्राचार्य गजानन शिंदे, उपप्राचार्य प्रा. सय्यद एम. यू. यांच्यासह शिक्षक, शिक्षकेत्‍तर कर्मचारी यांनी अभिानंदन केले आहे.