महात्मा फुले महाविद्यालयात स्वामी रामानंद तीर्थ जयंती साजरी

अहमदपूर (गोविंद काळे) : हैदराबाद मुक्ती संग्रामाचे प्रणेते, थोर स्वातंत्र्य सेनानी तथा शिक्षण तज्ज्ञ, माजी खा. स्वामी रामानंद तीर्थ यांची जयंती येथील महात्मा फुले महाविद्यालयात प्राचार्य डॉ. वसंत बिरादार पाटील यांच्या मार्गदर्शनाखाली उत्साहात साजरी करण्यात आली. यावेळी झालेल्या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. डी. डी. चौधरी हे होते. त्यांच्या हस्ते स्वामी रामानंद तीर्थ यांच्या प्रतिमेचे पूजन करण्यात आले. या कार्यक्रमाचे सूत्रसंचालन व प्रास्ताविक सांस्कृतिक विभाग प्रमुख डॉ. बब्रुवान मोरे यांनी केले, तर राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी सर्वांचे आभार मानले. यावेळी ह. भ.प. डॉ. अनिल महाराज मुंढे, डॉ. सतीश ससाणे, डॉ. मारोती कसाब, डॉ. संतोष पाटील, डॉ. नागराज मुळे, डॉ. दिगंबर माने, डॉ. प्रकाश चौकटे, चंद्रकांत शिंपी यांच्यासह महाविद्यालयातील सर्व प्राध्यापक, कर्मचारी व विद्यार्थी उपस्थित होते.