मतदार संघातील विविध विकास कामांसाठी १० कोटी रुपयांचा निधी मंजूर - संजय बनसोडे

उदगीर (एल.पी.उगीले) : मतदार संघात विविध विकास कामे चालू असून अनेक विकासकामे पूर्णत्वाकडे गेली आहेत. उदगीर व जळकोट मतदार संघात आज पर्यंत दोन ते अडीच हजार कोटी रुपयांचा विकास निधी शासनस्तरावर पाठपुरावा करुन उदगीर जळकोट मतदार संघाचे आमदार तथा महाराष्ट्र राज्याचे क्रीडा व युवक कल्याण, बंदरे मंत्री संजय बनसोडे यांनी मंजूर करुन घेतला आहे. त्यातच उदगीर व जळकोट शहरात सभागृह बांधकाम व सुशोभिकरण करणे, प्रवेशव्दार उभारणे, स्ट्रीट लाईट बसविणे, संरक्षण भिंत बांधणे, सी.सी. रोड करणे, आदी कामांसाठी नगर विकास विभागातून ‘वैशिष्ट्यपूर्ण ‘ योजनेअंतर्गत १० कोटी रुपयाचा निधी मंजूर केल्याची माहिती ना.संजय बनसोडे यांनी दिली आहे.

शहराचा सर्वांगीण विकास करताना शासकीय इमारती उभारणी सोबतच उदगीर शहरातील विविध प्रभागातील नागरिकांची मागणी लक्षात घेवुन उदगीर नगर परिषद हद्दीतील श्री गुरु हावगीस्वामी महाराज मठ सभागृह बांधकाम व सुशोभीकरण करण्यासाठी १ कोटी रु., उदगीर शहरातील नळेगाव रोडवरील छत्रपती शिवाजी महाराज महाप्रवेशद्वार बांधकाम करण्यासाठी ५० लक्ष रुपये, शहरातील छत्रपती शिवाजी महाराज चौक ते लोकशाहीर आण्णाभाऊ साठे प्रवेशद्वारापर्यंत स्ट्रीट लाईट बसविण्यासाठी ५० लक्ष रुपये,शहरातील नगरपरिषदेचे सार्वजनिक वाचनालय बांधकाम करण्यासाठी ४० लक्ष रु., प्रभाग १७ मधील नुर पटेल काॅलनी सभागृह बांधकाम / सुभोभिकरण करणे ५० लक्ष रु., प्रभाग ९ मधील पेठवेसजवळील कासिफ उलुम मदरसा येथे संरक्षण भिंत बांधकाम करण्यासाठी २० लक्ष रु., प्रभाग ०१ मधील गवळी समाज स्मशानभूमी संरक्षण भिंत बांधकाम करण्यासाठी २० लक्ष रु., प्रभाग ३ मधील रोकडे हनुमान मंदिर ते महादेव मंदिर कमान पर्यंत सी.सी. रोड करण्यासाठी २५ लक्ष रु., प्रभाग १४ मधील शामद खादरी दर्गा येथे सभागृह बांधकाम व ईदगाह सुशोभिकरण करण्यासाठी ५० लक्ष रु., प्रभाग ११ मधील समता नगर येथील मस्जिद-ए-साबितया मज्जिद व मदरसा येथे शौचालय बांधकाम / सुभोभिकरण करण्यासाठी १० लक्ष रु., प्रभाग १२ मधील संत कबीर नगर येथील मस्जिद – ए – उमर फारुख येथे शौचालय बांधकाम व सुशोभिकरण करण्यासाठी १० लक्ष रु, प्रभाग १७ मधील देशपांडे घर ते कानमंदे स्मशानभूमीपर्यंत सी.सी. रोड करण्यासाठी २० लक्ष रु, प्रभाग ११ मधील बनशेळकी रोड येथील मज्जिद-ए-मदरसा मदिना येथे शौचालय बांधकाम व सुशोभिकरण करण्यासाठी १० लक्ष रुपये, कपाळे गल्ली येथील महादेव मंदिर सभागृह बांधकाम करण्यासाठी २५ लक्ष रु., कल्पना चौक ते निडेबन ग्रामपंचायत पर्यंत सी.सी. रोड करणे ५० लक्ष रु., नगर परिषद उदगीर फुलारी गल्ली गणेश मंदीर येथे सभागृह बांधकाम करण्यासाठी २० लक्ष रु. असे एकूण ५ कोटी ५० लक्ष रुपये, तर जळकोट नगर पंचायत इमारत बांधकाम करण्यासाठी ४ कोटी रु., जळकोट शहरातील छत्रपती शिवाजी महाराज पुतळा सुशोभिकरण करण्यासाठी १० लक्ष रु., भारतरत्न डॉ. बाबासाहेब आंबेडकर पुतळा सुशोभिकरण करण्यासाठी १० लक्ष रु., जगतज्योती महात्मा बसवेश्वर महाराज पुतळा सुशोभीकरण करण्यासाठी १० लक्ष रु., लोकशाहीर अण्णाभाऊ साठे पुतळा सुशोभिकरण करण्यासाठी १० लक्ष रु., जळकोट येथील जामा मस्जिद येथे शौचालय बांधकाम व सुशोभिकरण करण्यासाठी १० लक्ष रु., ४ कोटी ५० लक्ष रुपयाचा निधी मंजूर करण्यात आला आहे. उदगीर व जळकोट मतदार संघातील विविध विकास कामांसाठी १० कोटी रुपयाचा निधी मंजूर केल्याने ना.संजय बनसोडे यांचे सर्वसामान्य नागरीकांनी आभार व्यक्त केले आहेत.