यशवंत विद्यालयात जागतिक हास्य दिन उत्साहात साजरा

अहमदपूर (गोविंद काळे) : येथील यशवंत विद्यालयाच्या प्रांगणामध्ये जागतिक हास्य दिन अत्यंत उत्साहाच्या वातावरणामध्ये हास्य प्रयोगाच्या द्वारे साजरा करण्यात आला. यावेळी पर्यवेक्षक राम तत्तापूरे यांनी हास्य दिनाचे महत्त्व विशद करून आरोग्य चांगले व मन प्रसन्न राहण्यासाठी हास्य हि महत्त्वाची गुरुकिल्ली असल्याचे सांगितले. हास्याचा प्रयोग योगशिक्षक गौरव चवंडा यांनी प्रत्यक्ष करून दाखविला. यावेळी मुख्याध्यापक गजानन शिंदे, उप मुख्याध्यापक राजकुमार घोटे यांच्यासह शिक्षक शिक्षकेतर कर्मचारी व विद्यार्थी मोठ्या प्रमाणावर उपस्थित होते. सूत्रसंचालन कपिल बिराजदार यांनी तर आभार धनंजय तोकले यांनी मांनले.