आमदार बाबासाहेब पाटील अपघातग्रस्तांच्या मदतीसाठी धावले

अहमदपूर(गोविंद काळे) : शिरूर ताजबंद कडून उदगीरकडे जाणाऱ्या रस्त्यावर भीषण अपघाताची घटना घडली. दरम्यान आमदार बाबासाहेब पाटील या रस्त्याने त्यांचा दौऱ्यावर जात असताना त्यांना ही भीषण अपघाताची घटना दिसताच प्रसंगावधान राखत त्यांनी अपघात ग्रस्त महिलेला मदत करण्याचा अनुषंगाने आपल्या नियोजित दौऱ्यातील बदल करत आपल्या वाहनात बसवून हाळी हंडरगुळी येथील प्राथमिक आरोग्य केंद्रात उपचारासाठी तात्काळ दाखल केले.

या अपघातात पाय मोडल्याने महिलेस गंभीर दुखापत झाली. अपघातग्रस्त महिलेच्या मदतीला वेळेत पोहचल्याने अन् वेळेत त्यांना उपचारासाठी दाखल केल्याने पुढील अनर्थ टळला. दरम्यान प्राथमिक उपचार करून महिलेस पुढील उपचारासाठी उदयगिरी हॉस्पिटल येथे रुग्णवाहिकेने पाठविण्यात आले. पुढील उपचार व भरती करून घेण्याच्या बाबतीतील सर्व सूचना आमदार बाबासाहेब पाटील यांनी तत्काळ डॉ. बलशेटवार यांना दिल्या. यावेळी माध्यमांशी बोलताना त्यांनी ” अपघातग्रस्त लोकांना वेळेत नक्की मदत करत चला. असे आवाहनसुद्धा केले. तसेच नवरात्र उत्सवाच्या पहिल्याच दिवशी एक महिलेची सेवा मला करण्याचे भाग्य लाभले असल्याचे मत व्यक्त केले.”