पूनम हांगरगे नौदालतील खडतर प्रशिक्षण पूर्ण

अहमदपूर (गोविंद काळे) : ज्ञानदीप अकॅडमी ची विद्यार्थिनी पूनम हंगरगे हिचे ओडिसा येथील नौदल प्रशिक्षण केंद्रात खडतर प्रशिक्षण पुर्ण आपल्या जन्म गावी पेठ शिवणी येथे आली असता तिचा गावकऱ्यांनी भव्य सत्कार केला. याप्रसंगी ज्ञानदीप अकॅडमी चे संचालक श्री उद्धव इप्पर हे प्रमुख मार्गदर्शक म्हणून उपस्थित होते पूनम हंगरगे आपल्या भाषणात म्हणाली की मी ज्ञानदीप अकॅडमी च्या प्रशिक्षणामुळे यशस्वी झाली आहे. माझे वडील आर्मी मध्ये होते पण कोरोनाच्या वेळी माझे वडील वारले. माझे स्वप्न वडीलासारखे आर्मी मध्ये जाण्याचे होते. माझ्या ताईने मला ज्ञानदीप अकॅडमी, अहमदपूर मध्ये प्रवेश दिला व सरांच्या प्रेरणेतून मी यशस्वी झाले. प्रमुख मार्गदर्शक म्हणून इप्पर म्हणाले की आमच्याकडे सर्वसामान्य परिवारातील मुले व मुली असतात त्यांच्या भविष्यासाठी नेहमी अकॅडमी विचार करते आणि त्यांना प्रशिक्षण देते यातून आतापर्यंत हजारो विद्यार्थी यशस्वी झाले आहेत.