शालेय राज्यस्तरीय क्रिकेट स्पर्धेसाठी यशवंतचा संघ पात्र

अहमदपूर (गोविंद काळे) : क्रीडा संचालनालय महाराष्ट्र राज्य ,पुणे व जिल्हा क्रीडा अधिकारी कार्यालय नांदेड यांच्या संयुक्त विद्यमाने श्री गुरु गोविंदसिंगजी क्रिकेट स्टेडियम नांदेड, येथे दि. 17 व 18 ऑक्टोंबर 2023 रोजी पार पडलेल्या विभागीय शालेय क्रिकेट स्पर्धेत 17 वर्षीय वयोगटात अहमदपूरच्या यशवंत विद्यालयाचा संघ विजेता ठरला . त्याने उपांत्य पूर्व फेरीत नांदेड मनपा संघाचा व अंतिम सामन्यात धाराशिवच्या संघाचा पराभव करत एकतर्फी विजय संपादन केला .या सामन्यात कप्तान श्रेयश मुस्तापुरे, शुभम सोनटक्के, शुभम राठोड ,अनिरुद्ध कळसकर,शुभम राठोड ,हबीब पठाण , ऋषिकेश गोटमुकले ,वेदांत गिरी ,मद्रे मयुरेश ,विवेक कलमे यांनी उत्तम खेळाचे प्रदर्शन केले. या संघाला महेश बिलापट्टे ,रोहित गायकवाड, सुरज जाधव, राज पांचाळ यांचे सहकार्य लाभले . सोलापूर येथे होणाऱ्या राज्यस्तरीय स्पर्धेसाठी हा संघ पात्र ठरला आहे. या क्रीडापटूंना क्रीडा विभाग प्रमुख श्री. संतोष कदम , दीपक हिंगणे , प्रा अनिल चवळे , प्रभावती मिरजकर यांचे विशेष मार्गदर्शन लाभले होते. या नेत्रदिपक यशाबद्दल क्रीडापटू व मार्गदर्शक शिक्षकांचे टागोर शिक्षण समितीचे , अध्यक्ष डॉ. अशोक सांगवीकर, सचिव डी. बी लोहारे गुरुजी ,प्राचार्य गजानन शिंदे, उपमुख्याध्यापक राजकुमार घोटे, पर्यवेक्षक अशोक पेदेवाड, पर्यवेक्षक राम तत्तापूरे यांच्या सह शिक्षक व शिक्षकेत्तर कर्मचारी यांनी अभिनंदन आणि कौतुक केले आहे.