रि. पा. इं. (आ ) चे विविध मागण्यासाठी निदर्शने आंदोलन
उदगीर (एल.पी.उगीले) : रिपब्लिकन पार्टी ऑफ इंडिया ( आ ) च्या वतीने विविध मागण्यासाठी उपजिल्हाधिकारी कार्यालय उदगीर समोर निदर्शने आंदोलन करण्यात आले.रिपब्लिकन पार्टी ऑफ इंडिया ( आ ) उदगीर च्या वतीने मराठा आरक्षण तात्काळ देण्यात यावे, जळकोट रोड ते मल्लापुर जाणारा पानंद रस्ता तात्काळ खुला करण्यात यावे, महार हाडोळा उदगीर येथील सर्वे नंबर 244 व 238 मध्ये वास्तव्य करणाऱ्या कुटुंबाची नगरपालिका येथे नोंद घेऊन त्यांना भोगवटादार म्हणून नमुना नंबर आठ देण्यात येऊन त्यांना मूलभूत सुविधा रस्ते, नाले, लाईट, पाण्याची सोय तात्काळ करून देण्यात यावी. या व इतर मागण्यासाठी रिपब्लिकन पार्टी ऑफ इंडिया (आ ) उदगीर च्या वतीने उपजिल्हाधिकारी कार्यालयासमोर तीव्र निदर्शने आंदोलन करण्यात आली, यावेळी रि. पा.इं (आ ) युवक आघाडीचे जिल्हाध्यक्ष सुशीलकुमार शिंदे, राहुल कांबळे,नितीन गायकवाड, मनोज माणसे, नरेश चांदे, सागर सोनकांबळे, राजकुमार माणसे,सुरेंद्र वाघमारे, चंद्रकांत कांबळे,अशोक सूर्यवंशी यासंह अनेक कार्यकर्ते आंदोलनात उपस्थित होते.
About The Author
