ह भ प डॉक्टर शरद महाराज तेलगाणे यांचे सपत्नीक पाद्यपूजन

उदगीर (एल.पी. उगीले) : उदगीर येथील प्रबोधन करत अध्यात्मिक कीर्तन करणारे ख्यातनाम कीर्तनकार तथा उदगीर शहरातील एक नामांकित स्त्री रोग तज्ञ डॉक्टर शरद कुमार तेलगाने यांच्या कीर्तन सेवेची दखल घेत, ह भ प भागवत महाराज कुटेवड यांच्या उदगीर तालुक्यातील शेल्हाळ येथे असलेल्या संत कबीर संस्था कीर्तन विद्यालयात सपत्नीक वाद्य पूजन करून भाविक भक्तांच्या समोर कीर्तनकार शरदकुमार तेलगाणे यांच्या किर्तन सेवेच्या संदर्भात आणि समाजसेवेच्या संदर्भात माहिती सांगण्यात आली. डॉ. शरदकुमार तेलगाने सामाजिक जाणिवा जपत जपत आध्यात्मिक क्षेत्रात देखील प्रबोधन, सामाजिक जाणीव जागृती आणि प्रभावशाली कीर्तन करून समाजप्रबोधनाची मोठी जबाबदारी पार पाडत आहेत.त्याबद्दल त्यांचे कौतुकही करण्यात आले. यावेळी भाविक भक्त, बाल कीर्तनकार मोठ्या संख्येने उपस्थित होते.