महात्मा फुले महाविद्यालयात राष्ट्रीय एकात्मता दिन साजरा

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने भारताचे पहिले उपपंतप्रधान तथा गृहमंत्री स्व.सरदार वल्लभभाई पटेल यांच्या जयंतीचे व भारताच्या पहिल्या महिला पंतप्रधान स्व.इंदिरा गांधी यांच्या स्मृतिदिनाचे औचित्य साधून ‘राष्ट्रीय एकात्मता दिन ‘ साजरा करण्यात आला. याबाबतचे सविस्तर वृत्त असे की, महात्मा फुले महाविद्यालयाची प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या ‘राष्ट्रीय एकात्मता दिन ‘ कार्यक्रमाच्या अध्यक्षस्थानी उपप्राचार्य प्रो. डॉ.दुर्गादास चौधरी होते. तर ; संस्कृत विभाग प्रमुख डॉ. प्रशांत बिरादार यांची प्रमुख उपस्थिती होती. यावेळी राष्ट्रीय एकात्मतेची सामूहिक शपथ घेण्यात आली. तसेच, मान्यवरांच्या हस्ते सरदार वल्लभभाई पटेल व इंदिरा गांधी यांच्या प्रतिमेस पुष्प अर्पण करून अभिवादन करण्यात आले. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ.पांडुरंग चिलगर यांनी केले तर ; आभार राष्ट्रीय सेवा योजनेचे कार्यक्रमाधिकारी डॉ.बब्रुवान मोरे यांनी मानले. यावेळी डॉ.सतीश ससाणे, प्रो. डॉ. नागराज मुळे, प्रशांत डोंगळीकर, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी व विद्यार्थी उपस्थित होते.