सम्राट चंद्रगुप्त मौर्य पब्लिक स्कूल येथे योग दिन साजरा

अहमदपूर (गोविंद काळे) : जागतिक योग दिनानिमित्त रुद्धा येथील बालाघाट शैक्षणिक संकुल मध्ये सम्राट च़द्रगुप्त मौर्य पब्लिक स्कूलच्या प्रांगणात योग दिन कोविड १९ च्या नियमांचे पालन करून साजरा करण्यात आला.
योगदिनानिमित्त योगाचे प्रात्यक्षिके करण्यासाठी येथील योगगुरू प्रा अनिल चवळे आणि त्यांच्या सुविद्य पत्नी सौ वृषाली चवळे यांनी करून दाखवले. याप्रसंगी संस्थेचे अध्यक्ष तथा भाजपाचे प्रदेश प्रवक्ते गणेशदादा हाके पाटील, संस्थेच्या सचिव तथा भाजपाच्या महिला आघाडीच्या ग्रामीणच्या जिल्हाध्यक्षा प्राचार्या रेखाताई तरडे-हाके, भाजपाचे तालुकाध्यक्ष प्रा हाणमंत देवकते, संस्थेचे संचालक कुलदीप हाके, बालाघाट शैक्षणिक संकुलच्या समन्वयिका सौ शिवालिका कुलदीप हाके, भाजपाचे तालुकाउपाध्यक्ष संतोष कोटलवार आदींनी योगाभ्यासामध्ये सहभाग घेत उपस्थिती नोंदवली.तसेच सम्राट च़द्रगुप्त मौर्य पब्लिक स्कूल,पु अहिल्यादेवी माध्यमिक व उच्च माध्यमिक विद्यालय सांगवी,संत ज्ञानेश्वर प्राथमिक विद्यालय अहमदपूर,संत ज्ञानेश्वर माध्यमिक विद्यालय अहमदपूर,स्वामी विवेकानंद माध्यमिक आश्रमशाळा रूईतांडा,पु अहिल्यादेवी अध्यापक विद्यालय व महाविद्यालय, आणि बालाघाट तंत्रनिकेतन महाविद्यालय रुद्धा या संस्थेअंतर्गत कार्यरत युनीटचे मुख्याध्यापक, शिक्षक व शिक्षकेतर कर्मचारी उपस्थित होते.