अहमदपूर ; प्रभाग क्रमांक ४ मध्ये १ कोटीच्या विकासकामांचा शुभारंभ

अहमदपूर (गोविंद काळे) : शहरातील प्रभाग क्रमांक ४ मध्ये नगरपरिषदेचे मुख्याधिकारी काकासाहेब डोईफोडे यांच्या हस्ते श्रीफळ वाढवून विकास कामांचा शुभारंभ करण्यात आला. शहरातील प्रभाग क्रमांक ४ मध्ये १ कोटीचा विकास निधी मंजूर करुन विकास कामांची सुरुवात करण्यात आली, अशी माहिती शहर प्रमुख लक्ष्मण अलगुले यांनी दिली. यावेळी चंचल भारती विद्या विकास मंडळाचे सचिव विक्रमसिंह दोडके पाटील, नगरपरिषदेचे अभियंता विभुते, शिवसेना विधानसभा प्रमुख सुनील देशमुख, संघटक नरेश चौथाईवाले, तालुकाप्रमुख गोपीनाथ जायभाये, शहर प्रमुख लक्ष्मण अलगुले, युवासेनेचे संगम पाटील, उपशहर प्रमुख राजू जाधव, बासीदखान पठाण, श्याम काबलिये, हर्षद बोबडे, सूरज चेबाळे, बालाजी आगलावे, रोहिदास गंगथडे, अमोल कपले, करण कंधारकर, रोहन जाधव, मनोहर गायकवाड उपस्थित होते.