माजी आ. कव्हेकरांकडून नाडे परिवाराचे सांत्वन

लातूर (प्रतिनिधी) : मुरूड येथील आमचे सहकारी संजय नाडे यांचे वडील दत्तोबा नाडे (वय 75 वर्ष), आई राजूबाई दत्तोबा नाडे (वय 70 वर्ष), भाऊ प्रकाश दत्तोबा नाडे (वय 45 वर्ष), अच्युत दत्तोबा नाडे (वय 42 वर्ष) या एकाच कुटुंबातील चौघांचे कोरोनामुळे नुकतेच निधन झाले. ही अत्यंत दुखःदायक घटना नाडे यांच्या परिवारात घडली. त्यांच्या पश्‍चात सुना, नातवंडे असा परिवार आहे. या घटनेची माहिती मिळताच भाजपा नेते तथा माजी आ. शिवाजीराव पाटील कव्हेकर यांनी त्यांच्या मुरूड येथील निवासस्थानी भेट देवून नाडे कुटुंबियांचे सांत्वन केले. यावेळी अभिजित अच्युत नाडे, दासू गरड, संजय किसनराव नाडे यांच्यासह नाडे कुटुंबिय उपस्थित होते. यावेळी भाजपा नेते तथा माजी आ.शिवाजीराव पाटील कव्हेकर यांच्यासमवेत भाजपा युवा मोर्च्याचे शहर जिल्हाध्यक्ष अजितसिंह पाटील कव्हेकर उपस्थित होते.