अहमदपूर येथील नवा मोंढा रोडवरील अतिक्रमण नगर परिषदेने हटवले
मोठ्या वाहनांची वाहतूक सुरळीत
अहमदपूर (गोविंद काळे) : येथील नवा मोंढा रोडवरील ईदगाह कडे जाणाऱ्या रस्त्यावरील अतिक्रमण नगरपालिकेच्या अतिक्रमण विरोधी पथकाने हटवल असून मोठ्या वाहनांची वाहतुक सुरळीत केली आहे.
याबाबत सविस्तर वृत्त असे की नवा मोंढया कडे जाणाऱ्या रस्त्याच्या दोन्ही बाजूला घरापासुन रोड पर्यंत नालीच्या पुढे अतिक्रमण झाल्याच्या अनेक तक्रारी नगरपरिषद इकडे प्राप्त झाल्या होत्या या तक्रारीची दखल घेत दि २३ जुन रोजी मुख्याधिकारी त्रंबक कांबळे यांनी स्वतः अतिक्रमण विरोधी पथकाच्या साह्याने रस्त्याच्या बाजूला असलेले 30 अतिक्रमणे हटवली व रस्ता मोठ्या वाहनांच्या रहदारी साठी खुला करण्यात आला या भागात धान्याचे मोठे ट्रक यांची ये-जा असल्यामुळे वाहतुकीस अडचण होत होती मात्र सदर अतिक्रमण काढल्यामुळे मोंढ्या कडील वाहतूक सुरळीत झाली असून व्यापाऱ्यांनी समाधान व्यक्त केले आहे या अतिक्रमण विरोधी पथकात न प चे मुख्याधिकारी त्र्यंबक कांबळे कार्यालयीन अधिक्षक सतीश बिलापट्टे सहाय्यक पोलीस निरीक्षक रामचंद्र केदार पोलीस कॉन्स्टेबल रमेश आलापुरे अतिक्रमण विरोधी पथकाचे माधव पानपट्टे सुनील कांबळे शेख मुसा नगरपालिकेचे कर्मचारी व पोलीस कर्मचारी उपस्थित होते.
About The Author
