एलिमेंटरी महाराष्ट्र राज्य ग्रेड परीक्षेमध्ये सम्राट चंद्रगुप्त मौर्य इंटरनॅशनल स्कूलच्या विद्यार्थ्यांची चमकदार कामगिरी

अहमदपूर (गोविंद काळे) : महाराष्ट्र राज्य कला संचनालय मुंबई यांच्यामार्फत आयोजित एलिमेंटरी ग्रेड ड्रॉइंग परीक्षा घेण्यात आल्या होत्या या परीक्षेमध्ये सम्राट चंद्रगुप्त मौर्य इंटरनॅशनल स्कूलच्या ८ विद्यार्थ्यांनी भाग घेतला होता. व आठ ही विद्यार्थ्यांनी या परीक्षेमध्ये अनुक्रमे अ, ब, क श्रेणी घेऊन घवघवीत असे यश संपादन केले आहे. त्यामध्ये शिंदे शिवराज सुभाष याने अ श्रेणी मिळवली आहे व सय्यद माहीन सय्यदलाल, हाके अनिकेत गोविंद, सुरनर कृष्णा पिराजी या तीन विद्यार्थ्यांनी ब श्रेणी मिळवून यश संपादन केले आहे. त्याचबरोबर क श्रेणी मिळविणारे दुबे पृथ्वीराज दाजीसिंग , मोटे निखिल नागनाथ, ठाकूर पापसिंग जनकसिंग हे विद्यार्थी आहेत. व या विद्यर्थ्यांना मार्गदर्शन आनंद कांबळे यांनी केले .

या कामगिरी बाबत संस्था अध्यक्ष तथा भाजपाचे प्रदेश प्रवक्ते गणेश दादा हाके, संस्था सचिव रेखाताई तरडे यांनी सर्व विद्यार्थ्यांचे अभिनंदन करून शुभेच्छा दिल्या. यशस्वी विद्यार्थ्यांचे शाळेच्या वतीने संचालक कुलदीप हाके व सौ शिवालिकाताई हाके यांनी विद्यार्थ्यांचा सत्कार करून शुभेच्छा दिल्या. यावेळी प्राचार्य सर्व शिक्षक व शिक्षकेतर कर्मचारी उपस्थित होते.