शिवाजीराव मुळे राष्ट्रवादी काँग्रेस पार्टी शरदचंद्रजी पवार गटाचे सरचिटणीस

उदगीर (एल.पी.उगीले) उदगीर येथील धडाडीचे कार्यकर्ते तथा उदगीर पंचायत समितीचे माजी सभापती राष्ट्रवादी काँग्रेसचे निष्ठावंत कार्यकर्ते तथा शरदचंद्रजी पवार यांच्यासोबत राष्ट्रवादीच्या स्थापनेपासून कायम राहिलेले प्रा. डॉ. शिवाजीराव मुळे यांची निवड प्रदेश कार्यकारणीवर सरचिटणीस म्हणून करण्यात आली आहे. एका समारंभात पार्टीचे प्रदेशाध्यक्ष जयंतराव पाटील यांच्या हस्ते मान्यवरांच्या उपस्थितीत त्यांना नियुक्तीपत्र देण्यात आले आहे. याप्रसंगी माजी राज्यमंत्री विनायकराव पाटील, राष्ट्रवादी काँग्रेस शरदचंद्रजी पवार गटाचे लातूर जिल्हा अध्यक्ष संजय शेटे, महिला आघाडीच्या आग्रणी नेत्या आशाताई भिसे, प्रदेश कार्यकारणी वरील नेते बापूसाहेब पाटील उजेडकर, औसा येथील ज्येष्ठ नेते रशीद भाई शेख इत्यादी मान्यवर उपस्थित होते.
प्रा. शिवाजीराव मुळे हे एक चारित्र्य संपन्न आणि स्पष्ट वक्ते व्यक्ती म्हणून उदगीर विधानसभा मतदारसंघात सुपरीचीत आहेत. त्यांनी उदगीर विधानसभा मतदारसंघाचा विकास व्हावा, यासाठी महाविकास आघाडीत असताना उदगीरचे आमदार तथा तत्कालीन राज्यमंत्री संजयजी बनसोडे यांच्यामार्फत विकास कमी खेचून आणण्यासाठी खूप प्रयत्न केले. अनेक विकासाच्या योजना खेचून आणण्यासाठी त्यांनी सहकार्य केले. राष्ट्रवादी काँग्रेस पक्षात फूट पडल्यानंतर निष्ठेला प्राधान्य देत त्यांनी राष्ट्रवादी काँग्रेसचे संस्थापक अध्यक्ष ज्येष्ठ नेते शरदचंद्रजी पवार यांचीच बाजू घेत, प्रसंग काही असले तरी आपण निष्ठेला जागणारे आहोत, हे दाखवून दिले. त्यांच्या या निष्ठेची पावती म्हणून राष्ट्रवादी काँग्रेस शरदचंद्रजी पवार गटाच्या प्रदेश कार्यकारणीवर त्यांची वर्णी लागली आहे. प्रा. शिवाजीराव मुळे यांच्या या निवडीमुळे उदगीर तालुक्यातील राष्ट्रवादी काँग्रेसच्या निष्ठावंत कार्यकर्त्यांमध्ये आनंदाचे वातावरण निर्माण झाले आहे..
उदगीर तालुक्यातील दावणगाव या छोट्याशा गावात वाढलेले प्रा. शिवाजीराव मुळे यांनी आपल्या नेतृत्वाची झलक दाखवत राष्ट्रवादी काँग्रेसचा एकमेव सदस्य असताना देखील पंचायत समितीचे सभापती पद मिळवून आपले संघटन कौशल्य सिद्ध केले होते. आज प्रा. शिवाजीराव मुळे हे राज्य पातळीवर नेतृत्व करत असल्यामुळे या परिसरात आनंदाचे वातावरण पसरले आहे.
शिवाजीराव मुळे यांच्या या निवडीबद्दल माजी जिल्हा परिषद सदस्य, तथा दावणगावचे सरपंच ज्ञानेश्वर पाटील, राष्ट्रवादी काँग्रेस लातूर जिल्हा अध्यक्ष संजय शेटे, उदयगिरी कोचिंग क्लासेस चे संस्थापक तथा राष्ट्रवादीचे ज्यष्ठ नेते प्राध्या गोपाळ कृष्ण घोडके उदगीर नगरपालिकेचे माजी बांधकाम सभापती तथा राष्ट्रवादी काँग्रेसचे शहराध्यक्ष गजानन सताळकर राष्ट्रवादी काँग्रेसचे ज्येष्ठ नेते व्यंकटराव पाटील अवलकोडंकर, शंकरराव मुक्कावार कैलास पाटील शिरोळकर, शंकरराव मुक्कावार, अण्णासाहेब बनशेळकीकर इत्यादींनी अभिनंदन करून पुढील वाटचालीस शुभेच्छा दिल्या आहेत.