उदयगिरीच्या इनडोअर स्टेडियमला ॲड. आशिष बाजपाई यांची सदिच्छा भेट

उदगीर (एल.पी.उगीले) : महाराष्ट्र राज्य बॅडमिंटन असोसिएशनचे माजी उपाध्यक्ष तथा लातूर जिल्हा बॅडमिंटन असोसिएशनचे विद्यमान अध्यक्ष ॲड. आशिष बाजपाई यांनी महाराष्ट्र उदयगिरी महाविद्यालय, उदगीर येथील इनडोअर स्टेडियमला भेट देऊन खेळाडूंना मार्गदर्शन केले. याप्रसंगी प्राचार्य डॉ. राजकुमार मस्के यांनी आशिषजी बाजपाई यांचा शाल, बुके देऊन सत्कार केला. याप्रसंगी डॉ. मल्लेश झुंगास्वामी, डॉ. गौरव जेवळीकर,क्रीडा संचालक प्रा. सतिश मुंढे उपस्थित होते. तसेच खेळाडूंच्या पालकांपैकी डॉ. प्रवीण मुंदडा, प्रा. रामदास मलवाडे, इमरान शेख, श्री. विश्वनाथ पाटील, ग्रामीण पोलीस स्टेशनचे पोलीस उपनिरीक्षक तानाजी चेरले आदी उपस्थित होते. याप्रसंगी बाजपाई यांनी प्रशिक्षक ओवस कमाल व नागेश चामले यांनाही पुढील प्रगतीसाठी शुभेच्छा दिल्या.