किलबिल मध्ये महिला दिन आगळ्या वेगळ्या पद्धतीने साजरा

अहमदपुर (गोविंद काळे) : जागतिक महिला दिनाच्या निमित्ताने किलबिल नॅशनल स्कूल मध्ये शाळेतील सर्व स्टाफ च्या मातोश्री चा सत्कार समारंभ आयोजित करण्यात आला होता. या कार्यक्रमाला जिजाऊ ब्रिगेड लातूर जिल्हाध्यक्षा अनिताताई जाधव, जवळगा कोकणगा ग्रामपंचायतीच्या माजी सरपंच सुमनताई कदम, संस्थेच्या संचालिका सूनिताताई कदम, तात्या पेट्रोलियम च्या संचालिका वर्षाताई शेळके पाटील, रुक्मिणी बाई पाटील, कुसुमताई गोडभरले, सरोजाताई भोसले यांच्यासह शाळेतील सर्व स्टाफ च्या मातोश्री उपस्थीत होत्या. याप्रसंगी प्रमुख पाहुण्या अनिताताई जाधव यांनी त्यांच्या बचतगटाच्या आर्थिक उलाढालीचे उदाहरण देत महीलानी आर्थिक सबलीकरण कसे करावे याचा मूलमंत्र दिला. भरपूर माता माऊलींनी आपली सुप्तकला सादर करत अभंग,गवळण, जात्यावरील ओव्या , भावगीते सादर केले. तसेच शाळेतील शिक्षीकांनी मंगळागौर व नाटीकेचे सादरीकरण केले. कार्यक्रमासाठी शाळेचे संचालक ज्ञानोबा भोसले, प्राचार्य संतोष पाटील , पर्यवेक्षक महावीर गोडभरले, पूर्वप्राथमिक, प्राथमिक व संगीत विभागाने विशेष परिश्रम घेतले. कार्यक्रमाचे सूत्रसंचालन राजश्री देशपांडे यांनी तर आभार सचिन जगताप यांनी मानाले. या अतिशय भावस्पर्शी कार्यक्रमासाठी मोठया प्रमाणात माय माऊलींची उपस्थिती होती.